Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Дунё бўйлаб тарқалган пандемия сабабли Буюк Британияда ҳам масжидлар ҳамон ёпиқ. Муборак Рамазон ойида масжидда адо этиладиган ибодатларни интизорлик билан кутган 8 ёшлик Яҳё Мурод ушбу ҳолатга ўзига хос ечим ўйлаб топди. Британиянинг Бредфорд шаҳрида истиқомат қилувчи бу мактаб ўқувчиси умидсизликка тушмасдан ўз хонасида ўзига хос услубда кичик “масжид” қуришга қарор қилди. Мусулмон болакай турли ўқув қуроллари, картон қутилар ва зар қоғоздан фойдаланиб, ажойиб бино ясади. У картондан ясалган митти деворларни бир-бирига ёпиштириб чиқди, дераза учун туйнук кесиб, жойнамозларни Маккага ‒ Муқаддас Каъбага йўналтириб тўшади. Яҳё Ислом меъморчилигининг анъанавий геометрик нақшларини рангли бўёқлар ёрдамида тасвирлади. "Масжидни бўялган қисмларини қуришини кутдим. Тўлиқ битказишим учун бир ҳафта вақт сарфладим", деб ҳикоя қилади Яҳё Мурод.
Манба: Islam.ru
Ирода Эргашева тайёрлади
