Вояга етиш

فطمة
Постлар: 43
Рўйҳатдан ўтган: 22 Июл 2019, 15:20

Вояга етиш

Пост فطمة » 07 авг 2019, 14:01

Ассалому алайкум! Ўғил бола вояга етгани қандай билинади? Мисол учун қиз бола ҳайз келганидан кейин вояга етган бўлади ва намоз, рўза фарз бўлади. Ўғил бола-чи?
Нима учун баъзи жойларда қиз болага 9 ёш, ўғил болага 12 ёшдан сўнг гуноҳ ёзилишни бошлайди, дейилган. Эҳтилом нима дегани? Булғаниш-чи?

Одинахон Муҳаммад Юсуф
Постлар: 3279
Рўйҳатдан ўтган: 06 март 2017, 04:32

Жавоб: Вояга етиш

Пост Одинахон Муҳаммад Юсуф » 14 авг 2019, 22:55

Ва алайкум ассалом!

БАЛОҒАТГА ЕТИШ АЛОМАТЛАРИ

Ўғил боланинг балоғатга етганининг уч аломати:
1. Тушида булғаниши;
2. Тушида булғанмаса-да, балоғатга етмай уйланган бўлса, маний келиши ва аёлини ҳомиладор қилиши;
3. Икки аломат топилмаса, ўн беш ёшга тўлиши билан болиғ ҳисобланади.

Қиз боланинг балоғатга етиш аломатлари қуйидагилардир:
1. Энг ками тўққиз ёшга кирганида ҳайз қонини кўриши. Ундан аввал кўрган қони ҳайз ҳисобланмайди;
2. Тушида булғаниши билан;
3. Ҳомиладор бўлиши;
4. Ўн беш ёшга тўлиши. Валлоҳу аълам.

Уйғонган кишининг маний ёки мазийни кўриши

Бу жумлада васф қилинган ҳолат «эҳтилом» дейилади.
«Эҳтилом» дегани «уйқуда жинсий яқинликни кўриш», «уйқуда булғаниш» демакдир.
عَنْ أُمِّ سَلَمَةَ رَضِيَ اللهُ عَنْهَا قَالَتْ: جَاءَتْ أُمُّ سُلَيْمٍ إِلَى النَّبِيِّ  فَقَالَتْ: يَا رَسُولَ اللهِ، إِنَّ اللهَ لَا يَسْتَحْيِي مِنَ الْحَقِّ، فَهَلْ عَلَى الْمَرْأَةِ مِنْ غُسْلٍ إِذَا احْتَلَمَتْ؟ فَقَالَ رَسُولُ اللهِ : «نَعَمْ، إِذَا رَأَتِ الْمَاءَ». فَقَالَتْ أُمُّ سَلَمَةَ: يَا رَسُولَ اللهِ، وَتَحْتَلِمُ الْمَرْأَةُ؟ فَقَالَ: «تَرِبَتْ يَدَاكِ فَبِمَ يُشْبِهُهَا وَلَدُهَا». رَوَاهُ الثَّلَاثَةُ.
Умму Салама розияллоҳу анҳодан ривоят қилинади:
«Умму Сулайм Набий соллаллоҳу алайҳи васалламнинг ҳузурларига келди ва:
«Эй Аллоҳнинг Расули, албатта, Аллоҳ ҳақдан ҳаё қилмайди, агар аёл киши эҳтилом бўлса, ғусл лозимми?» деди.
Расулуллоҳ соллаллоҳу алайҳи васаллам:
«Ҳа, агар сувни кўрса», дедилар.
Умму Салама:
«Эй Аллоҳнинг Расули, аёл киши ҳам эҳтилом бўладими?» деди.
У зот соллаллоҳу алайҳи васаллам:
«Шўринг қургур, бўлмаса, боласи нимадан унга ўхшар эди?» дедилар».
Учовлари ривоят қилишган.


«Динда саволим бор»га қайтиш

Ҳозир форумда онлине фойдаланувчилар

Ҳозир форумда: рўйҳатдан ўтган фойдаланувчи йўқ va 8 меҳмонлар