Сочим нега кўп тўкилади?

maryam2019
Постлар: 1
Рўйҳатдан ўтган: 09 ян 2019, 05:34

Сочим нега кўп тўкилади?

Пост maryam2019 » 10 ян 2019, 05:57

Ассалому алайкум. Сочим жуда сийрак ва жуда кўп тўкилади. Виталон ҳам ичдим, фойда бермади. Нима қилсам, сочим тўкилмай, жилвакор бўлади?

Шифокор
Постлар: 487
Рўйҳатдан ўтган: 06 март 2017, 06:39

Жавоб:Сочим нега кўп тўкилади?

Пост Шифокор » 13 окт 2019, 01:42

Ва алайкум ассалом. Соч ва тирноқлар муаммоси бўйича мутахассис шифокорлар ‒ трихолог ва эндокринологга учрашингиз керак.
Қуйидаги мақола ҳам сизга асқотади, деган умиддаман.
Соч ҳам бир ҳусн. Қизларнинг гўзаллигида узун, қалин, соғлом сочларнинг ўрни бўлакча. Сочларига қандай парвариш қилишни фойдали ва оддий усулларни қидираётган қизларжонларга енгиллик яратиш мақсадида сочлар парвариши ҳақида мазмунли мақола тайёрлашга ҳаракат қилдик.
• Сочингизни юваётганда мазкур қоидага амал қилишга одатланинг. Соч ювишда сув ҳарорати 35-45 даража оралиғида бўлиши лозим. Сочлар қанча ёғли бўлса, сув ҳарорати шунча паст бўлиши керак. Кўпчилик аёлларимиз эса аксинча сочларини бошни куядиган даражада иссиқ сувда ювишади. Сочингиз жилвакор бўлиши учун ювиб бўлгач, уни 1 литр сувга 1 чой қошиқ сирка ёки лимон кислотаси қўшилган сувда чайинг.
• Ўта қазғоқланган, шунингдек тез тўкилувчи сочларга даво сифатида янги карам шарбати бошга едиртириб сурилади.
• Бундай ҳолларда дарров учи томондан кесиш керак. Соч “гуллаган”да ўсиши ҳам бироз секинлашади ва нурсиз бўлиб қолади.
• Сочларингиз гўзал бўлишни истасангиз, тановул қилаётган маҳсулотларингизга аҳамиятли бўлинг.
• Сочлар тўкилишига қарши марганес яхши фойда беради. У дуккакли маҳсулотлар, олма, олхўри, салат барглари, селдерей, қорағат (смородина), лавлаги, бақлажонда бўлади.
• Кремний сочларни “гуллаши”дан, “синиши”дан асрайди. Нон, бодринг, қовоқча, помидор, редиска кремнийга бой.
• Қазқоқдан қутилишни истаганлар учун эса олтингугурт керак. Тухум сариғи, саримсоқ пиёз, пиёз, денгиз маҳсулотлари олтингугуртга бой.
• Тезда ёғланиб кетаверадиган сочларга ханталли қўлбола шампун яхши натижа беради. Бунинг учун икки литр илиқ сувга бир ош қошиқ хантал кукунини соласиз ва шу аралашмада сочлар ювилади. Бундай шампунни қўллагандан кейин сочлар нохуш ёғланишидан анча вақтгача халос бўлади.
• Лондонлик мутахассисларнинг айтишича, калта сочлар учун 6 мл (1 чой қошиқдан бироз кўп), ўртача узунликдаги сочлар учун 8 мл (1,5 чой қошиқ), узун сочлар учун эса 10 мл (1 ош қошиқ) шампун етарли. Уни сочларга бир текис суртиб, сўнгра айланма ҳаракатлар билан кўпиртириш лозим. Шампунни бошда ортиқча ушламанг, бундан сочлар оғирлашиб қолади. Сочни шампун билан ювгандан кейин бир неча марта илиқ сувда чайинг. Сўнгра соч илдизидан бир сантиметр юқоридан бошлаб, унга балзам ёки кондиционер суртинг. Сочларингиз саломат ва гўзал бўлишини истасангиз, уларга мос келадиган шампун танлашингиз зарур. Масалан, қуруқ сочларга мўлжалланган шампун таркибида парваришловчи воситалар бор. Ёғли сочларга мўлжалланган шампунларда эса ёғ ажратилишини назорат қилувчи қўшимчалар бўлади. Бирор бир шампунни ишлатганингиздан кейин бошингиз қичишса, у сизга мос келмайди.
• Соч ювишда шампун ўрнида қуйидаги табиий воситалардан фойдаланиш мумкин: қатиқ ҳақиқатдан ҳам сочга жуда фойдали. У соч толаларида ўзига хос қобиқ ҳосил қилиб, уни турли зарарли таъсирлардан ҳимоя қилади, озиқлантиради. Қатик сочга 20-30 дақиқага суртилиб, сўнг шампун билан ювилади.
• Тухум ҳам соч ювишда ажойиб воситадир. Унинг таркибида барча фойдали аминокислоталар мавжуд Ишлатишдан олдин озгина илиқ сувда кўпиртирилиб, сочга суртилади. Тухум кўпиртирилиб, бир неча томчи лимон шарбати қўшилади. Aралашма бош терисига ва соч толаларига суртилади. Бу восита ёғли сочлар учун тавсия қилинади.
Сочни мунтазам равишда озиқлантириш унинг яхши ўсишига шароит яратиб, унинг жилвакор, соғлом бўлишини таъминлайди. Бунда қуйидаги соч ниқобларидан фойдаланишингиз мумкин: сабур ниқоби: 1 ош қошиқ асал, 1 ош қошиқ сабур (алоэ); 1 чой қошиқ қирғичдан ўтказилган саримсоқ пиёз ва тухум сариғи. 20 дақиқага суртилади. Бу ниқоблар ёғли сочлар учундир.
• Aсалли ниқоб: 2 чой қошиқ асал, 2 та тухумнинг сариғи ва озгина канакунжут мойи. Бу ниқоб соч тўкилишида, қазғоқда яхши самара беради. 40 дақиқага суртилади.
• Витаминли ниқоб: 1 та тухумнинг сариғи, 1 ош қошиқ ўсимлик мойи ва бир неча томчи A ва В витаминлари қўшилади. 30-40 дақиқадан сўнг ювиб ташланади.
• Картошкали ниқоб: хом картошканинг 2 ош қошиқ шарбати, 2 ош қошиқ сабур шарбати ва 20 гр. асал аралашма соч илдизларига уқалаб суртилади ва 2 соатга иссиқ қилиб ўралади. Бу ниқоб соч тўкилишида қўлланиб, ундан ҳафтада 2 марта фойдаланиш лозим.
• Зайтун ниқоби: иситилган зайтун мойига 1 чой қошиқ лимон шарбати, тухум сариғи ва бир неча томчи A витамини қўшилади. Илиқ аралашма сочларга, бош терисига суртилиб, 1-2 соат давомида ушланади. Қуруқ сочга бу ниқобдан фойдаланиш наф беради.


«Шифокор маслаҳати»га қайтиш

Ҳозир форумда онлине фойдаланувчилар

Ҳозир форумда: рўйҳатдан ўтган фойдаланувчи йўқ va 5 меҳмонлар