Soch haqida

Nigor0701
Постлар: 8
Рўйҳатдан ўтган: 03 май 2019, 12:03

Soch haqida

Пост Nigor0701 » 24 Июл 2019, 10:55

Assalomu alaykum!Sochlarning me'yordan ortiq doimiy ravishda sinishi va gullashi rangsizlanib borishi organizmdagi nimadir yetishmayotganidan darakmi?Qanday davolash mumkin?Fen va dazmoldan deyarli foydalanmayman niqobla qilib turaman ammo sochlarim sog'lom, yorqin va jilvakor emas.Oldindan rahmat qimmatli vaqtingiz va bilimlaringizni ayamaganingiz uchun!

Шифокор
Постлар: 450
Рўйҳатдан ўтган: 06 март 2017, 06:39

Жавоб: Soch haqida

Пост Шифокор » 26 Июл 2019, 20:58

Ва алайкум ассалом . Албатта сиздаги бу ҳолат организмда айрим микроэлементлар ёки витаминлар етишмовчилигидан ёки ички органларингиздаги патологиядан бўлиши мумкин . Соч толаларининг кунига 60 -100 дона тўкилиши нормал ҳолат. Яъни бунда соч толалари янгиланади. Аммо бундан кўп тўкилса, соч толалари синувчан ва жилвасиз бўлиб қолса,демак, сочларингизни даволаш, озиқлантириш, тиклашга шошилинг!
Асосий сабаблар:

организмдаги гормонал бузилиш;

стресс;

витамин етишмовчилиги;

ташқи таъсирлар.

Жиддий хавф – соч тўкилиши гормонал бузилиш ё касаллик аломати ёки асорати бўлиши мумкин. Бундай ҳолатларда косметик воситалар ёрдам бермайди. Бунинг сабаби андроген алопеция касаллиги бўлиши эҳтимоли бор, у эркаклик гормони — тестестерон кўпайиб кетиши оқибатида юзага келади. Бу жараённи тўхтатиш учун эндокринолог-шифокор кўригидан ўтиб, керакли муолажаларни қилиш лозим. Ўзбилармонлик билан даволаниш эса нафақат сочларингизга, балки бутун организмингиз саломатлигига салбий таъсир кўрсатиши мумкин. Сочларингиз узоқ вақт давомида ва кўп тўкилаётган бўлса,синувчан бўлса энг аввало қалқонсимон ва ошқозон ости безларини текширтиринг.
Стресс кўп ҳолатларда соч тўкилишига ёки уни жилосизланиб синувчан бўлишига олиб келади. Қанча кўп асабийлашсангиз, соч тўкилиши шунча фаоллашаверади. Бу жараённи тўхтатиш учун аввало тинчланинг ва ортиқча асабийлашмасликни ўрганинг. Сизга қуйидаги рецептларни тавсия қиламан ,улар соч структурасини яхшиланиши ва уни мустаҳкамланишига ёрдам беради :
Зайтун ёғи: ярим стакан зайтун ёғини сув буғида иситинг. Сўнг бармоқларингиз билан бош терисига енгил уқалаб суртинг. Бошингизга полиэтилен қалпоқча кийиб, устидан иссиқ сочиқ ўранг. 1 -2 соатдан кейин бошингизни илиқ сувда шампунь билан ювинг. Муолажани 15- 20 марта такрорлаш мумкин. Соч тўкилишининг олдини олиш учун эса бу муолажани ҳафтада 1- 2 марта такрорлаб туриш кифоя.

Алоэ: 3 ош қошиқ алоэ шарбати, 1 ош қошиқ асал, 1 дона тухум сариғини аралаштириб (1 чой қошиқ саримсоқ пиёз шарбатини ҳам қўшиш мумкин), намланган сочлар ва бош терисига суртинг. 20 дақиқадан сўнг сочларингизни илиқ сувда ювинг.

Хина: рангсиз хинани ярим стакан қатиқ билан аралаштиринг. Қуюқ бўтқа ҳосил бўлиши керак. Бўқани сочларингизга суртиб, полиэтилен қалпоқча кийиб, устидан иситилган сочиқ ўранг. Ярим соатдан кейин илиқ сувда чайинг.

Хантал: 1 чой қошиқ қуруқ хантални 2 ош қошиқ аччиқ чой билан аралаштириб, 1 дона тухум сариғи қўшинг. Ниқобни бошга суртиб, полиэтилен қалпоқча кийинг-да, сочиқ ўранг. 20 дақиқадан кейин бошингизни илиқ сув билан ювинг.....
Пиёз: 1 2 дона пиёз шарбатини, худди шунча миқдордаги қатиқ билан аралаштириб, бош терисига суртинг. Полиэтилен қалпоқча ва иссиқ сочиқ билан ўраб қўйинг. 40 дақиқадан кейин сочларингизни илиқ сув билан чайинг. Қатиқ пиёз ҳиди ўткирлигини йўқотишга ёрдам беради.

Уқалаш. Ҳар куни ишдан қайтганингиздан сўнг кечки пайт албатта гарданингиз ва бош терисини енгил уқаланг. Бу бошдаги қон айланишини яхшилаб, соч илдизларига яхши таъсир кўрсатади. Илдизлар яхши озиқланса, соч ўсиши ҳам яхшиланади.....

Nigor0701
Постлар: 8
Рўйҳатдан ўтган: 03 май 2019, 12:03

Жавоб: Soch haqida

Пост Nigor0701 » 26 Июл 2019, 21:17

Javob uchun katta rahmat.Gormonlarni tekshirtirganimda hammasi normada chiqdi,stress holatlari ham yo'q menda,vitamin yetishmasligidan bo'lsa aynan qaysi vitaminlar orqali davolanishim mumkin?

Шифокор
Постлар: 450
Рўйҳатдан ўтган: 06 март 2017, 06:39

Жавоб: Soch haqida

Пост Шифокор » 26 Июл 2019, 21:44

Микроэлементлардан магний ва цинк етишмаслигини бартараф қилиш учун Магнецин таблеткасини ичинг ва витаминлардан Виталонгни тавсия қила оламан . Соч малҳамларингизга витамин А ни қўшиб суртинг .

Nigor0701
Постлар: 8
Рўйҳатдан ўтган: 03 май 2019, 12:03

Жавоб: Soch haqida

Пост Nigor0701 » 27 Июл 2019, 08:22

Katta rahmat sizga bergan yordamingiz uchun !


«Шифокор маслаҳати»га қайтиш

Ҳозир форумда онлине фойдаланувчилар

Ҳозир форумда: рўйҳатдан ўтган фойдаланувчи йўқ va 2 меҳмон