Бола тарбиясига оид

Qalbimda_imon
Постлар: 9
Рўйҳатдан ўтган: 10 ян 2019, 15:53

Бола тарбиясига оид

Пост Qalbimda_imon » 12 ян 2019, 13:54

Мен кўп психологик китоблар ўқиб тураман. 3 ёшли қизим ва 3ойлик чақалоғим бор. Қизимга умуман бақиришни, уришни хоҳламайман, уни қийналишини ҳис этиб тураман. Урушмасам этганини қилдиради, инжиқлик қилади. Меъёрни ушлашга ҳаракат қиламану аммо борган сари қайсар, инжиқ бўлиб кетяпти. Иложи борича яхши гапиришга, эртаклар айтиб этганимми қилдиришга ҳаракат қиламан. Кейинчалик эрка-тантиқ қиз бўлиб қолмасмикин, деб хавотирдаман. Суралар, шеърлар ёдлаттираман десам бир-икки айтиб чарчаганини айтади. Маслаҳат беринг илтимос!

Руҳшунос
Постлар: 289
Рўйҳатдан ўтган: 06 март 2017, 06:38

Жавоб: Бола тарбиясига оид

Пост Руҳшунос » 22 ян 2019, 11:49

Сиз қизингиздан кўп нарсаларни талаб қиляпсиз. У ҳали кичик ёшда. Бор йўғи уч ёшку. Дарс қилдирмоқчи бўлсангиз, буни ўйин тарзида амалга ошириш керак. Йўқса, дарс десангиз, юраги безиллайдиган бўлиб қолади. Инжиқлигига келсак, бирон гапни айтдингизми, унда қатъий туришингиз керак. Айтганингизни қилса, мақтаб, у яхши кўрган кийимини кийдириб, у яхши кўрган егулигини едириб, у яхши кўрган бирон масканига олиб боришингиз мумкин. Бола билан уни ҳурмат қилиб, яхши оҳангда, ҳудди катталарга муомала қилгандек гаплашиш керак. Кўпинча ёш болаку, дея муомаламиз нари-бери бўлади, у билан қилаётган муносабатимизга, ўз ота-оналик нуфузимиз билан тазйиқ ўтказамиз. Бу албатта нотўғри. Энг катта хатоимиз, болани уришамиз ва ич-ичимиздан ўзимизни айбдордек ҳис этамиз. Устига-устак, ётоғига кириб, ухлаб ётган бола тепасида ўтириб, йиғлаймиз, кечирим сўраймиз. Нима учун? Чунки, қалбимиз нотўғри иш қилганимизни бизга билдириб туради ва эзилади. Бола эса буни ҳис этиб туради ва у ҳақлигини билган ҳолда, баттар инжиқлик қилади, айтганимизга кирмайди. Шунинг учун, сабрли бўлган ҳолда, қатъий бўлишимиз керак. Ҳамда, болани қандай инсон бўлишини хоҳласак, аввал шу инсонга биз катталар айланиб олишимиз керак. Қуш уясида кўрганини қилади, деган нақл борку. Демак, болага бирон сура ёд олдирмоқчи экансиз, уни ўзингиз қайта-қайта такрорланг, албатта овоз чиқарган ҳолда. Сизни дарс қилаётганингизни кўради ва эшитади, ҳамда бола шу тарзда сурани ёдлаб олади. Ўзингизга ҳам эътибор бериб кўринг, эҳтимол сизнинг феъл-атворингизда ҳам баъзи ҳолларда қайсарлик бордир. Ҳеч бўлмаса ҳаёлларингизда. Чунки, кўпинча, фарзандларимиз бизнинг хатоимизни, феъл-атворимизни такрорлайдилар. Биз, ота-оналар, боладан яхши гумонда бўлишимиз керак. Валлоҳу аълам.

Qalbimda_imon
Постлар: 9
Рўйҳатдан ўтган: 10 ян 2019, 15:53

Жавоб: Бола тарбиясига оид

Пост Qalbimda_imon » 22 ян 2019, 22:42

Яна бир саволим бор эди.
Биз қайнона-қайнотам билан бирга яшаймиз. Кўпинча қизим йиғлаб қайсарлик қилса, ҳамма этганини қилишади йиғламасин деб. Ўзим ҳам шунга ўрганиб қоляпман, авваллари «олдин чиройли гапириб сўра», дердим. Ҳозир унчалик эмас. Бир куни ўртоғига «Битта йиғлагин, этганингни қилишади», деганини эшитиб қолдим. Қайнотам қилаётган ишлари тўғрими? Агар нотўғри бўлса, уларни хафа қилмасдан қандай қилиб тушунтирсам бўлади?

Руҳшунос
Постлар: 289
Рўйҳатдан ўтган: 06 март 2017, 06:38

Жавоб: Бола тарбиясига оид

Пост Руҳшунос » 12 фе 2019, 11:41

Ва алайкум ассалом. Қайнона ва қайнотага ақл ўргатиб, ёки бирон танбеҳ бериб, кўзларига ёмон кўриниб қолманг. Уларни тушунса бўлади. Ўзбекчиликда, “Мевасидан данаги ширин” деб, бекорга айтилмаган. Набираларига бундай муомала қилиш, улар учун руҳан хушнуд бўлишдир. Шунчаки, болага чиройли гаплар билан тушунтириб турилса, болага бола каби қаралмай, ҳамма гапни тушунадиган инсон, деган нуқтаи-назардан қаралса, етарли. Бола асабий бўлиб, жазавага тушган ҳолатда ҳам, сиз гапингиз оҳангини ўзгартирмай, ҳеч нима бўлмагандай гапираверинг, бунга бола ҳам, қайнота ва қайнонагиз ҳам секин-аста кўникади. Асосийси, сиз ранжимай, асабийлашмай, ички хотиржамлигингизни ушлаб туришингиздир. Валлоҳу аълам.

Qalbimda_imon
Постлар: 9
Рўйҳатдан ўтган: 10 ян 2019, 15:53

Жавоб: Бола тарбиясига оид

Пост Qalbimda_imon » 14 фе 2019, 20:11

Саволларимизга вақтингизни аямасдан жавоб бераётганингиз учун катта раҳмат! Аллоҳим сизларни икки дунё саодати билан сийласин!
Последний раз редактировалось Qalbimda_imon 18 фе 2019, 09:27, всего редактировалось 1 раз.

Руҳшунос
Постлар: 289
Рўйҳатдан ўтган: 06 март 2017, 06:38

Жавоб: Бола тарбиясига оид

Пост Руҳшунос » 17 фе 2019, 06:55

Омийн! Ташаккур! Саломат бўлинг!


«Руҳшунос маслаҳати»га қайтиш

Ҳозир форумда онлине фойдаланувчилар

Ҳозир форумда: рўйҳатдан ўтган фойдаланувчи йўқ va 1 меҳмон