Кўк пиёзнинг фойдали хусусиятлари
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 

Кўк пиёз инсон организми учун йил давомида зарур бўлган сабзавот ҳисобланади. Айниқса, эрта баҳорда инсон организми унинг таркибида бўлган микроэлементлар ва провитаминларга катта эҳтиёж ҳис қилади. Бизнинг наздимизда, кўк пиёз оддий бир сабзавот, аммо бу оқ ва яшил рангли сабзавот кўп фойдали хусусиятларга эга.

Кўк пиёзнинг фойдали хусусиятлари вирусли инфекцион касалликлардан сақловчи фитонцидлардан иборат. Фитонцидлар бу бактериаларни йўқотадиган учувчан моддалар. Кўк пиёздан тайёрланган салат сизни грипп ва ўткир респиратор касалликлардан ҳимоя қилади. Шунингдек, кўк пиёз барглари ўзида қон катакчалари вужудга келишида зарур бўлган хлорофиллни мужассам қилади.

Янги кўк пиёз иштаҳани очади ва таомни кўркам қилади. Кўк пиёз овқатни яхши ҳазм бўлишини таъминлайди. Кўк пиёз инсон организми учун зарур бўлган микроэлементлар ва протеинлар, шунингдек, провитамин А ва РР, С витаминларни ўз ичига олган.

Кўк пиёз авитаминозда, қувватсизликда, бош айланишда ва баҳорги толиқишда жуда фойдали. Шу билан бирга, у цинк, кальций ва фосфорга бой. Цинк соч тўкилиш, тирноқ синишини олдини олади ва юрак мушакларини мустаҳкамлайди, кальций билан фосфор эса тишларни соғлом бўлишида ёрдам беради.

 
Мавзуга оид мақолалар
Жорий йилнинг 18 сентябрь куни Тошкент шаҳридаги «Хўжа Аламбардор» жомеъ масжидида XXIV Республика давоми...

06:05 / 30.12.2016 4067
Шайх Муҳаммад Аввома   беназир муҳаддис олим биринчи қисм Аввал хабар берганимиздек, муҳаддис олим давоми...

16:23 / 26.09.2018 6064
Ҳар бир хоним тоза, шинам, дид билан безатилган уйда яшашга одатланиши керак. Уйингиз шинамгина бўлиши давоми...

20:55 / 09.01.2017 6416