Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ассалому алайкум ва раҳматуллоҳи ва барокатуҳ!
Муҳтарама ва азиза опа-сингиллар!
Барчаларингизга маълумки, Мавлид ойи кирмасдан аввал муслималаримизни билимларини ошириш мақсадида анъанамизга мувофиқ сайтимизда «Сийратни биласизми?» номли танлов эълон қилган эдик. Ушбу танловда сайтимиз ва форум аъзолари жуда фаол қатнашдилар. Бу йилги иштирокчиларнинг сони ҳам, савияси ҳам анча юқори даражада бўлди.
Шу фурсатдан фойдаланиб бизга эътиборли бўлган ва чорловимизга «лаббай», деб жавоб берган барча иштирокчиларга «Muslimaat.uz» номидан ўз миннатдорчилигимизни изҳор қиламиз.
Сизларга мамнуният билан шуни эълон қиламизки, ушбу танловда қуйидаги азизаларимизни ғолиб деб топдик: Маҳмуда Мурод, Умму Азиза, Дилшода Жўраева, Муслима Солиева, Умму Марям, Шоирахон Нуриддинова, Руқия Идрис Али, Бегойим Каримжон қизи, Машраббону Неъматова ва Марҳабо Акрамова.
Барча ғолибларни чин дилдан ва самимий муборакбод этамиз ва уларни ой охиридаги тақдирлаш маросимимизга лутфан таклиф этамиз. Маросим ҳақидаги саволларингизни сайтимизнинг электрон манзилига юборишингиз мумкин: muslimalar1@gmail.com
Ғолиблик муборак бўлсин!
