Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
[gallery link="file" size="medium" ids="14553,14545,14546,14551,14552,14547,14544,14548,14549,14550,14557,14556,14555"]
23 февраль куни «Hilol-nashr» муҳаррирлари ҳамда «muslimaat.uz» сайти ва «Omina» журнали ҳодимлари Ўзбекистон халқ ёзувчиси Тоҳир Маликнинг ҳузурларида бўлиб, у кишининг суҳбатларидан баҳраманд бўлдилар. Суҳбат жараёнида ўзининг илмий-тарихий, фантастик, ахлоқий характердаги асарлари орқали инсонлар маънавиятини юксалтиришга муносиб ҳисса қўшиб келаётган ҳурматли ёзувчимиз ўзларининг намунали тажриба ва баракали ижодлари, Ҳазратимиз Шайх Муҳаммад Содиқ Муҳаммад Юсуф раҳимаҳуллоҳ билан боғлиқ ибратли хотираларидан шингил ҳикоялар сўзлаб бердилар.
Шунингдек, жамият ривожига муносиб ҳисса қўшишни ният қилган ёш қаламкашларга давлатимиз томонидан эътироф этилаётган ота-боболардан мерос қолган қимматли асарларни халқимизга етказиш, хусусан, ёшлар орасида унутилиб кетаётган инсоний фазилатларни тиклаш, уларни тарғиб қилишда бир қатор устозлар билан бирга Шайх Муҳаммад Содиқ Муҳаммад Юсуф раҳимаҳуллоҳнинг кўрсатмаларига амал қилган ҳолда фаолият олиб боришларида қимматли маслаҳатлар бердилар, уларнинг ижоди сермаҳсул бўлишини тилаб қолдилар.
muslimaat.uz
