Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Абу Аюб Ансорий розияллоҳу анҳу бир куни Пайғамбаримиз соллаллоҳу алайҳи васаллам билан бир даврада ўтириб таом едилар. Овқат аввалига ниҳоятда кўп, баракотли, кўпчилик тўядиган бўлиб кўринди. Бироқ охирига бориб баракаси қочди. Саҳобалар бу ҳолатнинг сабабини сўрадилар.
«Бизлар емоқни бошлаганда, Аллоҳ номини эсга олдик, «Бисмиллаҳ», дедик. Аммо кейин келган одам «Бисмиллаҳ» демасдан таом емоққа киришди ва шу боис шайтон у билан баробар овқат ейишга ўтирди. Шунинг учун таомдан барака қочди», дедилар. Инчунун, шайтони лаъин ҳар жойда ҳозирдир, ҳар қачон инсонга душманчилик забтини ўтказиш пайидадир. Аллоҳнинг номи тилга олиниши билан қочади. Шу сабаб таом ейишни бошлаганда «Бисмиллаҳир роҳманир роҳим» деб айтиш таомга барака беради. Уламолар фикрича , «Бисмиллаҳ»ни овоз чиқариб айтилса, яхши. Чунки хотирасидан кўтарилганлар эслаб такрорлайди. Агар «Билмиллаҳ»ни айтиш эсдан чиқиб, таом яримлаганда эсига келса , «Аввал ва охири учун бисмиллаҳ» десин. Расулуллоҳ соллаллоҳу алайҳи васалламдан суннат ўлароқ мерос қолган бу низом таомга барака бергай, иншааллоҳ.Мусулмонлар тақвим китобидан олинди
