Бугуннинг муаммоси
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

БУГУННИНГ МУАММОСИ

     Муаллима ўқувчиси Юсуфнинг ҳолати ҳақида маслаҳатлашиб олиш учун унинг отасини мактабга чақиртирди. Ота келгач, унга: «Жаноб! Ўғлингиз «Риталин» (диққатни жамлашга қийналувчи ва ҳаддан ташқари ҳаракатдан азият чекувчилар учун дори) таблеткасини ичиши керак. Чунки у дарсларни яхши ўзлаштирмайди, кўпинча синфдошларига дарс асносида халақит беради», деди.

Юсуфнинг отаси ўқитувчининг таклифига рози бўлди. Аммо Юсуф отасига синфдошлари олдида дори ичишдан уялишини айтди. Шунда муаллимаси Юсуфга «Ундай бўлса, танаффус вақтида ўқитувчилар хонасига бориб, дорини ичиб, менга қаҳва олиб келасан», деди. Юсуф рози бўди.

Бир ой барча ишлар худди улар келишганидек давом этди. Муаллима Юсуфнинг отасини иккинчи бор чақиртирди. Унга ўғлининг хулқ-атвори ва дарслари яхши тарафга ўзгаргани ҳақида мақтаниб гапирди. Юсуфнинг отаси муаллиманинг гапларидан жуда хурсанд бўлди. Ўғлига қараб жилмайди.

Улар уйга келгач, отаси Юсуфга: «Олдингидан янада яхши ўқиётганинг жуда зўр бўлибди-да! Энди менга қандай ўзгарганинг ҳақида гапириб берарсан», деди. Шунда Юсуф отасига қараб: «Отажон! Бу жуда ҳам оддий. Мен ҳар сафар ўқитувчиларнинг хонасига бориб, муаллима учун қаҳва тайёрлаб, бир дона «Риталин» таблеткасидан қаҳвага солиб қўярдим. Шундай қилиб, кундан-кунга муаллимамизнинг асаблари тинчланиб, бизга дарсларни маромида бера бошлади», деди.

Қиссадан ҳисса шуки, ўзингни бир сарҳисоб қил. Эҳтимол, камчилик ўзгаларда эмас, ўзингдадир. Айбни аввал ўзингдан қидир, ўзгаларнинг айбини ахтарма. Барчамиз айбларимизни ўрганиб чиқиб, уни муолажа қилишга, яхши томонга ўзгартиришга муҳтожмиз. Ўзгаларнинг айблари қанчалар катта бўлмасин, уларни Холиқига ҳавола қилмоғимиз даркор.

 

Умму Билол таржимаси

Мавзуга оид мақолалар
«Алла» сўзи араб луғатида «овутиш, тинчлантириш» маъносини билдиради. Бу эса йиғлаб, хафа бўлаётган чақалоқни овутиш учун айтилган, онанинг қалбидан чиқаётган давоми...

01:25 / 25.01.2017 4923
Аёлларнинг исломий илмлар ривожига қўшган ҳиссалари 1қисм  САЛАФ МУСЛИМА ОЛИМАЛАР Оксфорд университети қошидаги Ислом илмларини ўрганиш маркази стипендианти давоми...

03:55 / 20.03.2017 3734
26масала Агар кўзда йиринг бўлиб, ундан қон чиқсаю, лекин кўзнинг ташқарисига оқмаса, таҳорат бузилмайди. Лекин кўзнинг ташқарисига оқса, бузилади. Худди давоми...

00:09 / 07.03.2019 2276
Кеча 22 июль 2018 йилда Москва шаҳрининг«Альфа» меҳмонхонасида «Муслиманинг жамиятдаги ижтимоий ўрни» мавзусигабағишланган муслима аёллар ташкилотларининг давоми...

12:20 / 23.07.2018 2852