Фиқҳ
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Савол: Ҳаммомда кийимсиз ҳолда чўмилса бўладими?

Жавоб:

يجوز أن يتجرد للغسل وحده

“Ёлғиз ҳолатда ғусл қилаётганда кийимларини ечиб ювиниш жоиз” (Мароқил фалоҳ).

Жамоат жойларда, яъни кўпчилик бўлиб чўмилаётганда киндигини остидан тиззасини остигача беркитиши фарздир. Тиззасидан юқорида турувчи калта иштонларда ювиниш ҳаромдир.

لِأَنَّ كَشْفَ الْعَوْرَةِ حَرَامٌ وَرَأَى أَبُو حَنِيفَةَ رَجُلًا فِي الْحَمَّامِ بِغَيْرِ إزَارٍ فَقَالَ أَلَا يَا عِبَادَ اللَّهِ خَافُوا إلَهكُمْ وَلَا تَدْخُلُوا الْحَمَّامَ مِنْ غَيْرِ مِئْزَرِ

“Чунки, авратни очиш ҳаромдир. Абу Ҳанифа раҳматуллоҳи алайҳ бир кишини ҳаммомда изорсиз кўриб: “Огоҳ бўлинглар! Эй, Аллоҳнинг бандалари. Парвардигорингиздан қўрқинглар ва ҳаммомга (авратларингиз очиқ ҳолда) изор(киндик билан тиззани остигача беркитадиган кийим)сиз кирманглар” (Баҳрур роиқ).

Савол: Бир киши покланишга на сув ва на пок тупроқ йўқ бўлган шароитга тушиб қолса нима қилади?

Жавоб: Рўзаси очилиб кетган киши ўзини рўзадорлар сингари тутгани каби икки покловчи нарсани топа олмаган киши ҳам ўзини намоз ўқувчиларга ўхшатиб туради. Покловчи нарса топганида намозини қайта ўқиб олади.

وَأَمَّا فَاقِدُ الطَّهُورَيْنِ ، فَفِي الْفَيْضِ وَغَيْرِهِ أَنَّهُ يَتَشَبَّهُ عِنْدَهُمَا ، وَإِلَيْهِ صَحَّ رُجُوعُ الْإِمَامِ وَعَلَيْهِ الْفَتْوَى .

“Икки покловчи (сув ва таяммум қилишга) нарсани топа олмаган киши ўзини намоз ўқувчиларга ўхшатиб туради. Икки имом ва имом Абу Ҳанифа шундай деганлар. “Файз” ва бошқа китобларда шундай келган. Фатво шу қавлгадир” (Раддул муҳтор).

САВОЛ: Бурунни ачиштирадиган даражада сув тортиш зарурми?

ЖАВОБ: Бурунни юмшоқ жойигача сув олиш фарз, ундан юқорисига муболаға билан сув етказиш суннатдир. Шунинг учун рўзадорларга бурунни юмшоғигача сув еткизиш, фарзни ўзини адо қилиш тавсия қилинади.

Мавзуга оид мақолалар
Савол Ассалому алайкум, Устоз, бир саволим бор эди. Қалб муҳрланганининг аломати қандай бўлади Агарда қалб давоми...

09:50 / 05.12.2016 6609
Холид синглиси Фотима билан отасини кутишар эди. Меҳмонлар кетгач, ота уларнинг олдига кулиб кирган ҳолда давоми...

19:21 / 24.12.2016 9851
У Зотнинг сенга эҳсони бор бўла туриб, Унга ёмонлигинг давом этиши сени астасекин олиш бўлишидан давоми...

18:16 / 24.04.2019 5453
Корея сафари 1лавҳа embedhttpswww.youtube.comwatchvg1B2TpIBIembed Корея сафари 2лавҳа embedhttpswww.youtube.comwatchvAGZ77xjBbXEembed Корея сафари давоми...

10:01 / 07.03.2017 5111