“Muslimaat.uz”да ажойиб тадбир бўлиб ўтди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 

24 июнь куни “Ҳилол-нашр” нашриётининг анжуманлар залида Одинахон Муҳаммад Содиқ раҳбарлиги остидаги “muslimaat.uz” сайтининг яна бир навбатдаги ажойиб тадбири бўлиб ўтди. Мазкур тадбир йиғилганларга ушбу аёллар сайтининг Рамазон ойи ва бошқа кунларда амалга оширган хайрли ишларининг ҳисоботи тарзида тақдим этилди. “muslimaat.uz” доим сиз билан” деб номланган кечага Ўзбекистон мусулмонлар идораси ва бошқа ташкилотлардан азиз меҳмонлар таклиф қилиндилар. Тадбирни Қуръон тиловати очиб берди. Сўнг Одинахон Муҳаммад Содиқ сўзга чиқиб, аёлларимизнинг илм талабида янада илғор бўлишлари кераклиги ҳақида нутқ қилди. “muslimaat.uz” қошидаги “Муслималар форуми”, “Фейсбук” ижтимоий тармоғидаги “Бинту Содиқ” саҳифаси ҳамда “muslimaat.uz” сайтининг ўзида ўтказилган турли танловлар ғолибалари Одинахон Муҳаммад Содиқ томонидан муносиб тақдирландилар. Кечага хушовоз салавотчи қизларнинг гўзал нашидалари янада завқу шавқ қўшди. Шунингдек, “muslimaat.uz” сайтининг фаолиятини очиб берувчи, жумладан, муборак Қуръон мусобақаларида буюк хизмат қилиш шарафига муяссар бўлган сайт ходималарининг иш жараёнини кўрсатувчи видео-роликлар ҳам йиғилганларга тақдим этилди. Тадбир сўнггида ҳурматли меҳмонлардан ЎМИ аёл-қизлар бўлими мутахассиси Мунира опа Абубакирова сўзга чиқиб, давлатимиз томонидан амалга оширилаётган ажойиб ислоҳотлар, жумладан, имконияти чекланган фуқаролар илм олиши учун яратиб берилаётган имкониятлар ҳақида батафсил сўзлаб берди ва “muslimaat.uz” сайтига муваффақиятлар тилади, шунингдек, ҳамкорликда ишлаш учун Ўзбекистон мусулмонлар идораси доим тайёр эканини таъкидлади. Кечага яна гўзал Қуръон тиловати ва Одинахон Муҳаммад Содиқнинг чиройли дуолари якун ясади.

muslimaat.uz  
Мавзуга оид мақолалар
Мўминнинг айби ёхуд Қурайшнинг нафрати Мусулмонларнинг кофир қавмларнинг олдидаги айби ҳақида эшитганмисиз Улуғ саҳобалардан бири Абу Зарр розияллоҳу анҳунинг давоми...

20:35 / 25.01.2017 3647
  Эй Қасво Қандоқ ҳам саодатлисан Сенга берилган мақом, сенга берилган шарафнинг учқуни ҳам йўқ бизларда... Зотан, сенга бу дунёда буюк бахт Расулуллоҳ давоми...

01:27 / 05.06.2018 2666
Қайси шаҳарга тоунўлат касали кирмайди а. Макка б. Мадина с. Тоиф. д. Макка ва Мадина   Расулуллоҳ соллаллоҳу алайҳи васаллам бешинчи осмонда кўрган давоми...

23:54 / 25.02.2017 9502
 Аёл зотини иффату латофат тимсоли этиб яратиб, унинг ушбу аслиятини асрабавайлаш ҳамда уларни жаннатнинг ҳурлари этиш учун самовий таълимотларини ер узра давоми...

03:33 / 04.12.2018 2132