Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Қиличбоз Ибтижоҳ Муҳаммад 2016 йилда Олимпиада ўйинларида АҚШ терма жамоаси таркибида қатнашиб, совриндор бўлган илк мусулмон ўранган аёл сифатида тарихда қолган эди. Яқинда у ўзининг болалар учун ёзилган илк китобини тақдим қилди.
Ўзининг «The Proudest Blue» (Мовий кийимли энг мағрур қизалоқ) номли китобида у икки опа-сингил Фаиза ва Осиёнинг мактабдаги қийинчиликларни қандай қилиб енгиб ўтгани ҳақида ҳикоя қилади. Китоб С.К.Али билан ҳаммуаллифликда ёзилган бўлиб, суратлар Хотим Алий томонидан чизилган.
«Болалардаги энг эрта ва энг кучли тасаввур шакллари ўқиш орқали ҳосил бўлади. Мен ўзимга ўхшаган ёш мусулмон болакайлар ушбу суратли китобда ўзларини кўра олишлари учун ҳам бу ҳикояни ёздим», дейди муаллиф. «Олимпиада ўйинларидаги иштирокимдан сўнг кўплаб ёш мусулмон қизларнинг бундан илҳомланганини кўрдим. Умид қиламанки, мени мамлакатимиз учун медаль олиб келган илк мусулмон аёл сифатида кўриш ёш авлодни яна қайсидир бир соҳада биринчи бўлишга ундайди».

манба: https://www.bustle.com/p/olympic-fencer-ibtihaj-muhammad-has-written-a-new-book-for-children-about-the-beauty-of-the-hijab-15923896