Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

3 апрель куни Куала Лумпурда очилиши режалаштирилган Малайзия Халқаро Ҳалол Кўргазмаси (Malaysia International Halal Showcase – MIHAS) ўтган йилги маваффақиятида давом этишига умид қилинмоқда. 2018 йилда бўлиб ўтган ўн бешинчи энг катта ҳалол саноати халқаро тадбири дунёнинг 32 мамлакатидан 778 иштирокчини жалб қилган, бу эса савдонинг таҳминан 370 миллион долларга етишига сабаб бўлган эди (2017 йилдагига нисбатан 50% ўсиш).

Бу йилги тадбир рекордларни ҳам янгилашни мақсад қилган. Тадбир ташкилотчиси Малайзия Савдо тараққиёти корпорациясига кўра, MIHAS 2019 да дунё бўйлаб 1000 та иштирокчи ва 30000 дан зиёд зиёратчи ташриф буюриши кутилмоқда.

Охирги йилларда ҳалол саноати жадал ривожланиб бормоқда. Бу фақатгина дунёдаги 1,8 миллиард мусулмонга тааллуқли эмас. Саноат мутахассисларига кўра, ўзининг хавфсизлиги ва сифати борасида кун сайин эътироф этилаётган ҳалол таомлар аллақачон мусулмон истеъмол бозоридан кўра кенгроқ қамровга эга бўлган. Сўнги ҳисоботларга кўра, жаҳондаги ҳалол таом ва ичимлик бозори 2030 йилга келиб 2 триллион долларга етиб, ҳалол маҳсулот истеъмолчилари дунё аҳолисининг 26% қисмини ташкил қилиши кутилмоқда.