Йўловчининг ҳиммати
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳидоят

Мухбир ғарблик бир мусулмондан: «Сиз қандай қилиб мусулмон бўлгансиз?» деб сўради. У шундай ҳикоя қилади: «1993 йили аёлим билан Туркияга саёҳат қилгани бордик. Бир қишлоққа кириб адашиб қолдик. Йўлдан ўтиб кетаётган бир йўловчидан: «Шу манзилга қандай борсак бўлади?» деб меҳмонхонанинг манзилини кўрсатдим. У: «Яқин ўртада меҳмонхона йўқ, мусофир экансизлар, мен билан уйимга юринглар», деб бизни уйига олиб кетди. Қоронғу тушиб қолган эди. Биз ҳам унинг таклифини рад қилолмасдик. Йўловчи билан бирга унинг уйига келдик. Ичкарида чолу кампир ва беш нафар бола ўтирарди. Бирин-кетин болалар бизга кечки овқат олиб киришди. Овқатланиб бўлганимиздан сўнг бояги киши: “Аёлингиз билан шу хонада ухланглар”, деб ташқарига чиқиб кетди. Биз ухладик. Азонлаб туриб, унга бу қилган яхшиликлари учун раҳмат айтмоқчи бўлдик.  Қарасак, биз тунаган хонадан бошқа хона йўқ, уйнинг ҳаммаси шу хонадан иборат экан. Мезбон оиласи билан ҳовлидаги дарахт остида тунабди. Ўшанда ҳаво совуқ эди. Аёлим бу ҳолатдан қаттиқ таъсирланиб, йиғлаб юборди. Мен аёлимга далда берарканман, ич-ичимдан ажиб туғён отилиб келарди: «Демак, ҳақиқий Ислом шу экан-да! Биз эшитиб юрган “Ислом” ҳақиқий Ислом эмас экан. Ҳақиқий Ислом нималигини ҳали билмас эканмиз...». Уй эгасига миннатдорлик билдирарканман,  ундан: «Исломни қандай ўргансам бўлади?» деб сўрадим. У табассум ила: «Ўзингизнинг тилингизга таржима қилинган Қуръони карим ва суннат орқали билиб оласиз», деди. У бизни меҳмонхонага кузатиб қўйди.

Юртим Руминияга келгач, у айтган китобларни қидириб топдим. Аёлим ва мен бу китобларни қўлдан қўймай ўқиб чиқдик. Кейин... “Ла илаҳа иллаллоҳ, Муҳаммадур Расулуллоҳ”, дея имон келтирдик. Биз ўша инсон сабаб мусулмон бўлдик. У сабаб ҳақиқий Ислом динини танидик. Бизни Яратган Зотни танишга, Унинг Расулини севишга ўргатган ўша туркиялик оддий йўловчининг ҳимматини  ҳеч қачон унутолмайман...

Ҳозир атрофимда мингдан ортиқ имон келтирган кишилар бор. Айни пайтда Исломни бутун дунёга ёйиш мақсадида Руминияда Ислом марказини ташкил қилиш ҳаракатидаман...”

Муҳаммад Али Муҳаммад Юсуф таржимаси

“Омина” ижтимоий-маърифий электрон журналидан

Муаллиф
Мавзуга оид мақолалар
Ойнаи жаҳон масаласида, параболик антенна масаласида мусулмонлар ўртасида узоқ баҳслашувлар бўлган. Бундай ҳолат сўнгги, интернет хизматлари йўлга қўйилган давоми...

01:47 / 25.03.2019 3091
Тошкент шаҳар бош отинойиси Дилбар Отабоеванинг Muslimaat.uz сайти 10 йиллик тадбиридаги нутқи httpswww.youtube.comwatchvMeuPVqRkPJ0ampfeatureyoutu.be

15:05 / 22.10.2017 3000
Бисмиллаҳир Роҳманир Роҳим Бугун Ислом олами ўз осмонидаги бир ёрқин юлдузини йўқотди. Анбиёларнинг меросидан улкан насибага эга бўлган, дин устунларидан давоми...

04:56 / 13.12.2016 2836
httpswww.youtube.comwatchv12JjUhwX7S8

04:30 / 22.05.2018 3027