Ҳар ишнинг ҳикмати бор
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Одатда ҳар бир ишнинг ўз ҳикмати бўлади. Жумладан, бутун жаҳонга тарқалган вирус сабабли дунё аҳолиси иммунитет ҳосил қилди, десак, адашмаган бўламиз. Шунингдек, муаммо қаршисида довдираб қолмаслик, тез фикрлаш, қулай имконият яратиш, ўзаро ёрдамлашиш, бир-бири билан жипслашиш каби эзгуликлар янада шаклланди.

Албатта, бу билан вирус тарқалгани яхши бўлди, демоқчи эмасман, аммо психологик тил билан айтганда, ҳар нарсанинг, яъни айни муаммонинг ҳам яхши томонини кўрсатмоқчиман.

Таълим соҳасига назар ташласак, юртимизда мактабларнинг вақтинча ёпилгани яхши бўлмади-ю, бироқ онлайн тарзда дарсларнинг йўлга қўйилгани бу борадаги янги имкониятларнинг қирраларини очиб берди. Эндиликда онлайн мактаблар ривожланиб, фарзандларимиз келгусида қўшимча дарсларни ҳам олиши мумкин.

Хусусан, бизнинг ўқитувчиларимиз ҳам телевизор орқали онлайн дарс ўтишмоқда. Бундай қулайлик яратилганидан халқимиз жуда миннатдор. Фақат бир фикр билдирмоқчи эдим: барча дарслар битта каналдан эфирга узатилса, яхши бўларди. Шунда ота-оналар ва болалар ўз дарсларини каналма-канал излаб юришмасди. Эҳтимол, мутасаддилар бу ҳақда ҳам ўйлашаётгандир.

Илм ҳар қандай вазиятда ҳам тўхтатилмаслиги аввало Ислом тарихида кузатилган. Айтишларича, душман хавф солиб турганда муаллимлар болаларга дарс ўтиши учун урушга олиб борилмаган экан. Шунингдек, асирга тушганлар орасида саводи бўлганлар мусулмонларнинг фарзандларига ҳарф ўргатиш эвазига озод қилинганлар. Илмга эътибор кучли бўлган динда ва элда яшаётганимиз қалбимизда фахр туйғусини уйғотади...

Биздан талаб қилингани – бу имкониятлардан унумли фойдаланиб, таълим олишда сустлашмаслигимиз, фарзандларимизни назорат қилиб, дарсларини ўз вақтида тайёрлашларини таъминлашимиз зарур. Зеро, илмсиз қолиб, жоҳил бўлиш ҳаммасидан ёмонроқдир. Шундай эмасми?!


Зуҳрахон Ҳамдамова

Мавзуга оид мақолалар
httpswww.youtube.comwatchvIhEXpDsLOLEampfeatureyoutu.be

03:15 / 19.02.2019 476
Манзил httpmuslimaat.uzforumindex.php Ассалому алайкум ва раҳматуллоҳи ва барокатуҳ Муҳтарама опасингиллар Сизларга мамнуният билан «muslimaat.uz» сайтининг форуми янгиланган давоми...

08:47 / 03.03.2017 3954
Ассалому алайкум ва раҳматуллоҳи ва барокатуҳ Аллоҳ таолога беадад ва беҳисоб ҳамду санолар бўлсин Пайғамбаримиз Муҳаммад Мустафо соллаллоҳу алайҳи васалламга давоми...

13:13 / 11.12.2016 1828
  Душанба куни, ўзининг 33 йиллик тарихида илк марта Ислом қонунчилигига мувофиқ иш олиб борадиган Покистон Миллий Шариат  Суди Шариатга асосланган суди 56 ёшли давоми...

09:22 / 20.01.2017 771