Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Карачай-Черкас Республикаси Мусулмонлар диний бошқармаси Ҳаж ва умра учун танлов эълон қилди. Танлов бир неча босқичда бўлиб ўтди. Танлов натижасига кўра биринчи ўринга насроний динига эътиқод қилган Юлия Ереско лойиқ кўрилди.
Кўп сонли иштирокчиларни лол қолдирган ғолиба Юлиянинг айтишича, у бу танловда иштирок этиб, совринни қўлга киритиб, Маккага боришни орзу қилган мусулмон ҳамкасби ва дугонасига совға қилмоқчи бўлган.
Бу ҳақда хабар топган Пятигорск ва Черкас епархиясининг зиёратчилар хизмати ташкилоти Юлия учун ҳам мукофот тайёрлашга қарор қилишди ва совға сифатида унга Псковдаги зиёратгоҳларга бепул саёҳат қилиш таклифини билдиришди. Юлия учун бу кутилмаган совға бўлди ва у мамнуният ила бу таклифни қабул қилди.
Манба: islam.ru
