Сизни тинглаган, ишонч билдирган кишини алдаш хиёнатдир
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сизни тинглаган, ишонч билдирган кишини алдаш хиёнатдир


Ёлғончилик жуда ёмон хулқ, у инсонни дўст¬ларидан узоқлаштиради. Ислом динида истисноли ўринлардан бошқа пайтда ёлғон гапиришга мутлақо рухсат берилмаган. Пайғамбаримиз  алайҳиссалом  одамларни кулдириш мақсадида ёлғон гапиришдан ҳам қайтарганлар: “Гапириб қавмни кулдириш учун ёлғон гапирадиган кимсага ҳалокат бўлсин, ҳалокат бўлсин, ҳалокат бўлсин...” (Имом Абу Довуд, Термизий, Насоий ривояти). Бошқа бир ҳадисларида: “Банда ростгўй бўлса ҳам, мазах ва жанжалда ҳам ёлғонни тарк қилмагунича комил мўмин бўлолмайди”, деганлар (Имом Аҳмад, Табароний).

Абдурраҳмон ибн Абу Лайлодан ривоят қилинади. Саҳобалар бизга гапириб беришди: “Улар Набий  билан йўлга чиққанларида, йўлда бир киши ухлаб қолди. Бошқалар ухлаб қолган кишининг арқонини (ҳазиллашиб) олиб қўйишганида, у қўрқиб кетди. Шунда Расулулллоҳ алайҳиссалом: “Мусулмонга мусулмонни қўрқитиш ҳалол эмас”, дедилар” (Имом Абу Довуд).

Абдуллоҳ ибн Соиб ибн Язиддан ривоят килади. Расулуллоҳ алайҳиссалом: “Ҳеч бирингиз биродарининг буюмини ҳазиллашиб ҳам, чиндан ҳам олиб қўймасин”, деганлар (Имом Термизий ривояти).


Кўпинча ҳазиллар, ёлғонлар сабабли кўнгил¬хиралик юз бериб, ҳатто оилалар ўртасига совуқ-чилик тушиши мумкин. Бундай иллатлардан йироқ бўлайлик.


Қудратуллоҳ Сиддиқметов,

Кўкалдош мадрасаси мударриси

t.me/muslimaatuz

Мавзуга оид мақолалар
Бешинчи кун... Ассалому алайкум. Барчага Рамазоннинг бешинчи куни муборак бўлсин. Бугун бизникига бобожоним келадилар. Уларнинг ёшлари жуда катта. Сочсоқоллари давоми...

10:40 / 31.05.2017 1659
Шариатимизда бидъатга муҳим аҳамият берилгани боис, кундалик ҳаётимизда бидъат тўғрисида турли қарашлар, мунозара ва ҳатто тортишувларга дуч келамиз. давоми...

02:22 / 01.12.2016 2099
.Фитр кечаси бўлганда бу кеча .Мукофот кечаси, деб номланади. Фитр куни бўлганда Аллоҳ азза важалла фаришталарни шаҳарларга юборади, уларга ерга тушадилар ва давоми...

14:00 / 22.05.2020 2046
Рабиъул аввал ойининг 11 ва 12кунлари орасидаги кечани бутун дунё мусулмонлари байрам сифатида нишонлашади. Чунки бу кечада севимли Пайғамбаримиз Муҳаммад давоми...

03:50 / 08.12.2016 1661