Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Доктор Юсуф Қаразовий “Камбағаллик муаммоси ва Ислом уни қандай ҳал қилди”, деган китобида айтишича, инсонлар “қаноат” деган сўзга нисбатан зулм қилганлар. Улар қаноатни кам нарсага рози бўлиш, ночор ҳаёт, олий ишларни талаб қилишда ҳимматни паст қилиш, очлик, фақирлик ва ҳеч нарсаси йўқ бўлиш деб тушунадилар.

Буларнинг барчаси хато. Инсоннинг табиати дунёга қаттиқ ҳирс қўювчи ва уни таъма қилувчидир. Дин бойликка бориш йўлида инсонни мўътадил йўлга бошлаши лозим. Нафс ва танани бадном қилувчи ҳаддан ошиш ва ғулувга кетиш йўлларидан инсонни сақлайди.

Расулуллоҳ соллаллоҳу алайҳи васаллам айтдилар: “Эй Инсонлар, Аллоҳга тақво қилинглар! (Дунё) сўрашда гўзал (ҳолда) бўлинглар. Зеро, нафс ризқи тўлиқ бўмагунига қадар ўлмайди, гарчи кечикса ҳам. Аллоҳга тақво қилинглар! (Дунё) сўрашда гўзал (ҳолда) бўлинглар. Ҳалолини олинглар, ҳаромини ташланглар!”

Доктор Ҳассон Шамсийнинг "Бахт улашинг" китобидан

Раҳматуллоҳ Махсумхонов  таржимаси