Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Таассуротлар... 

Келин бўлиб тушган хонадонимда фазилатли шайх Муҳаммад Содиқ Муҳаммад Юсуф роҳимаҳуллоҳнинг китобларидан ўқиб, динимни ўрганганман. "Ҳадис ва Ҳаёт" туркум  китобларининг ҳаётимдаги ўрни жуда катта. Фазилатли шайхимизнинг қизлари устоза Одинахон Муҳаммад Содиқнинг фаолиятларини доимий кузатиб бораман, ҳавас қиламан. Илмий мажлисларига қатнашишни эса орзу қилардим...

Алҳамдулиллаҳ, Роббим ниятларимга етказяпти. Бугун "Ҳилол-нашр" нашриёти залида "Омина" илмий-маърифий, ижтимоий адабий журналининг тақдимотида меҳмон сифатида иштирок этдим.

Журналнинг чоп этилган бу илк сонида менинг ҳам тиббиётга оид мақолам берилгани, "ҳамкор муаллиф" деб мени ҳам эътироф қилишгани жудаям севинтирди.

Роббим "Омина" журналини давомий нашр этилиб, муслима опа-сингилларимизга манфаатли қилсин. Журналга меҳнати сингаётган жамоага Аллоҳ таоло куч-қувват берсин...

 Наргиза Қурбонова,

шифокор