Нура ал-Матруш нафақат ойга, балки Марсга ҳам уча олади
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бирлашган Араб Амирлигида туғилган 30 ёшли Нура ал-Матруш  НАСА ўқув дастурини тугатиб, космосга чиқишга тайёр бўлган биринчи араб муслима аёлидир. У бошланғич мактабдаги космос ҳақидаги хотираларни  эслаб,  ҳикоя қилишича,  дарсда ўқитувчиси билан ўқувчилар ой юзасига саёҳатни уюштиришган: космонавтларнинг қоғоз костюмлари ва палаткага ўхшаш ракета макети... Нура ал-Матруш ўша пайтдаги ҳолатни тасвирларкан: "Биз палаткадан чиққанимизда ўқитувчимиз синфимиздаги чироқларни ўчириб қўйган ва атроф  кулранг мато билан қопланган эди. Шу вақт ўқитувчимиз бизга ой юзасида эканимизни айтди. Ўша кун менинг хотирамда қолди. Бу ажойиб эди.  Мен ўшанда ҳақиқатда ҳам космосга чиқиб, ойга учишни истадим. Ҳаммаси ана ўша вақтдан   бошланди..." деди.


Нура  ал-Матруш механик муҳандислик соҳаси бўйича таҳсил олган.  У Бирлашган Араб Амирликлари космик агентлиги (UAESA) томонидан 2021 йилда НАСАнинг Америка космик агентлигининг ўқув дастурида иштирок этиш учун танланган иккита космонавт номзодларидан бири эди. Икки йиллик машаққатли меҳнат, жумладан, қилинган амалий космик саёҳатлардан сўнг ,  Нура ва унинг ватандоши Муҳаммад ал-Мулла ҳамда уларнинг ўқув гуруҳидаги яна 10 нафар киши малакали космонавт бўлишди.

Муслима космонавт Нура ал-Матруш МКС миссияларида қатнашиш ҳуқуқига эга. У эндиликда нафақат ойга, балки Марс планетасига ҳам уча олади.

Манба
Мавзуга оид мақолалар
Аллоҳ таоло шундай марҳамат қилади «Нуун. Қалам билан ва сатрларга ёзадиган нарсалар билан қасам» Қалам давоми...

11:51 / 01.12.2019 2038
Аллоҳнинг тавфиқига эътиқод қилиб, Аллоҳнинг тавҳиди ҳақида айтамизки 1. «Албатта, Аллоҳ бирдир, Унинг давоми...

07:35 / 08.11.2016 2966
«Хотира» танловида биринчи ўрин деб топилган шеърга аталган видеолавҳа embedhttpswww.youtube.comwatchvPokUBuFOewfeatureyoutu.beembed

10:06 / 11.03.2017 8331