Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ғарблик журналистлар Таваккул Кармандан унинг либоси ҳақида, «Сизнинг маълумотингиз ва фикрлаш даражангизга мос келмайди-ку», деб сўрашган. Улар: «Ҳижобни замондан ортда қолиш ва тараққиётнинг орқага қайтиши», деб баҳолашган.

Таваккул Карман шундай жавоб берган: «Инсон яралганда либоссиз эди. Унинг ақли ривожлангани сари у кийим кия бошлади! Бугунги кунда мен ва менинг либосларим инсоният эришган фикрлаш ва тамаддуннинг энг юксак даражасини намойиш этади ва мутлақо ортга қайтиш эмас». Таваккул Карман – 32 ёшли яманлик ҳуқуқ ҳимоячиси, 2011 йилда тинчлик йўналишида Нобель мукофоти лауреати деб эълон қилинган, у Нобель мукофотини қўлга киритган иккинчи муслима аёлдир. Бугунги кунда у Нобель мукофотининг дунё бўйича энг ёш лауреати ҳисобланади. Аввал у кўпчилик ҳамюртлари каби ниқоб тақар эди, кейинчалик эса у ниқобини ечган ва бугунда ҳижоб кияди. Таваккул Карман уч фарзанднинг онаси ҳисобланади.