Муслималар форуми: Болажонлар учун рамазон танлови
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ассалому алайкум ва раҳматуллоҳи ва барокатуҳ!

Мана, қалбларимиз интиқ бўлиб кутаётган Рамазон ойи ҳам эшик қоқай, деб турибди. Ҳар йилгидек, мазкур ойни сермазмун ва қизиқарли ўтказиш мақсадида янги танлов эълон қилмоқчимиз.

Яқинда бошқа бир сайтда ажойиб танлов кўриб қолдим, ғоя маъқул келиб, ўзимизнинг форум учун ҳам шу мавзуни танладик.

Танловни «РАМАЗОН ТАБРИГИ»  деб номладик. Унда сиз фарзандларингиз, ука-синглингиз ёки жиянингиз билан Рамазон учун откритка тайёрлаб, иштирок этишингиз мумкин бўлади. Шартлар жуда оддий:

# танлов учун постга тайёрлаган откриткангиз расмини қўйиб, тайёрлаган муаллифлар ва ким учун тайёрлангани ёзилади;

# бир иштирокчидан битта откритка;

# откриткани тайёрлашда аппликациялар, расмлар, шеърлар, умуман, истаган нарсангиздан фойдаланишингиз мумкин, лекин тайёр откриткаларни ишлатманг, фантазиянгизни ишга солинг;

# танлов ғолиби танлов муддати тугагач, сўровнома усулида аниқланади;

# танлов Рамазон ойининг охирги кунигача давом этади.

Танлов ғолибаси муҳтарама устозимиз Одинахон Муҳаммад Содиқ томонларидан махсус совға ва дуоларга муяссар бўлади.

Умид қиламизки, мазкур танлов кичкинтойларимизга Рамазонни таништириш, унга муҳаббат уйғотишда манфаатли бўлади.

http://muslimaat.uz/forum/index.php?topic=2798.0

muslimaat.uz/forumi/

 
Мавзуга оид мақолалар
  Экстремист лотинча сўз  бўлиб, ўта яъни ижтимоийсиёсий характердаги муаммоларни ҳал этишда, ўта кескин давоми...

14:31 / 07.02.2018 2559
«Малакали таржимон, муҳаррир, ўткир қалам эгаси muslimaat.uz сайти ходими» йиллик танловининг 1босқичи давоми...

18:58 / 06.01.2020 2852
Кунига ўн оятдан ёдланса, 1 йилу 9 ойу 3 кунда.Кунига ярим бетдан ёдланса,3 йилу 4 ойу 24 кунда.Кунига бир бетдан давоми...

21:48 / 03.04.2023 3093
Бисмиллаҳир роҳманир роҳим Аллоҳ жалла шаънуҳу «Албатта, Биз у Қуръонни Қадр кечасида туширдик. Қадр давоми...

16:41 / 10.02.2017 5043