Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
САВОЛ: Намозда аёлларни сочларини турмаклашлари макруҳми, агар макруҳ бўлса, улар узун сочларини қай усулда йиғиштириб ўқишлари керак? Саволларга қимматли вақтингизни ажратиб жавоб берганингиз учун олдиндан раҳмат. Илоҳим, сиз билан юзма-юз учрашиб, дуоингизни олиш бизга ҳам насиб қилсин.
ЖАВОБ: Бисмиллаҳир роҳманир роҳим.
Аёл киши намоз ўқиш пайтида сочини турли йўллар билан беркитса бўлди. Мисол учун, кўйлаги ичига тушириб олса бўлади. Рўмоли катта бўлиб сочни қамраб турса, яна ҳам яхши.
Аллоҳ таоло сизга ва ҳаммамизга орзуимиздан ҳам афзалини берсин! Омин! Валлоҳу аълам.
