Аввалги оиладаги фарзанд

01:02 / 14 июнь | Gul Asal | 161
Ассалому алайкум! Турмуш ўртоғимни аввалги турмушидан қизлари бор. Қизча ҳафтада бир кун биз билан бўлади. Бошида ёқтирмаётгандим. Лекин у қизчага яхши муомала қилсам бунинг учун ҳам савоб оламанми? Ҳўжайиним жудаям яхши кўрадилар қизларини. Бу менга ёқмайди. Шу ҳақида маслаҳат берсангиз.
Одинахон Муҳаммад Юсуф:

– Ва алайкум ассалом! Турмуш ўртоғингизнинг аввалги турмуши бузилган бўлса ҳам, фарзанди билан бўлган алоқаси узилмаган ва узилмайди ҳам. Қандай қилиб ота-болалик узилиши мумкин? Нима учун ота-бола алоқасини ёқтирмайсиз? Ахир бу уларнинг шаръий ҳуқуқику? Нафақат ҳуқуқ, бу ўз ўрнида бурч ҳам, силаи раҳм, Аллоҳнинг амрику, қандай қилиб бу нарсани ёқтирмайсиз? Ўша қизча ўрнига ўз фарзандингизни қўйиб кўрингчи? Агар нафсингизни енгиб ўша қизга яхши муомалада бўлсангиз, унга яхшиликни раво кўрсангиз, албатта ажр оласиз.  Валлоҳу аълам!