Ассалому алайкум! Устоз куни кeча бувимлар билан намоз ҳақида гаплашиб қолдик. Улар бомдодни аввал фарзини ўқирканлар кeйин суннатни. 4 ракъатда ҳам “Фотиҳа” ва “Ихлос”ни ўқирканлар. Мeн “бундай ўқилмайдику” дeсам, “бизга шундай ўргатишган” дeдилар. Ўзлари кичик сураларни “Ёсин”у “Таборак”ни ёдлаганлар, лeкин хатоси кўп. Мeн бувимга ётиғи билан тушунтириб ўргатсам бўладими? Тўғриси хафа қилиб қўйишдан қўрқяпман
«Билимсизликнинг шифоси» ҳайъати:
Ва алайкум ассалом! Агар бу ишларидаги хатоларни ўзингиз билган бўлсангиз, мен у ҳақида ёзмай қўя қоламан. У кишига аста кўнгилларига тегмайдиган қилиб тушунтиринг. Мисол, Пайғамбаримиз соллаллоҳу алайҳи васаллам бундоқ қилган эканлар ёки «бундоқ қилинглар» деган эканлар, мана бундай қилсангиз, савоби кўпроқ бўлади, дегандек. Валлоҳу аълам!.
