Ассалому алайкум! Мени саволим қуйидагича. Ҳозирда 18 ҳафталик ҳомиладорман. Қон таҳлил натижасига кўра ҳомилада 20% аниқликда "Даун синдромига мойиллик" чиқди. Генетик врач маслаҳати бўйича Тошкентга бориб кичик оператсия йўли билан 70% аниқликда текширувдан ўтишим мумкин экан. Лекин бу операциянинг салбий яъни, ҳомила нобуд бўлиши, онадан қон кетиши мумкин экан. Фарғонада яшайман. Шунга иккиланишда турибман. Нима қилай? Ҳомилани олдирсам гуноҳкор бўлиб қолмайманми? Врачдан сўрасам, мен олдиринг, деёлмайман, деди. Уйдагилар олдир дейишяпти. Тошкентга текширувга қўрқяпман. Илтимос, диний томондан маслаҳат беринг. Раҳмат.
Ва алайкум ассалом. Болани олдиришга биринчидан кеч, иккинчидан Даун синдромига эҳтимол бор дегани бола аниқ Даун синдроми билан туғилади дегани эмас. Сиз тест натижасига аниқлик киритмабсиз, натижа қай кўринишда эди? Риск 1: 200 ми ёки у билан 1:3001 орасидаги рақамми? Агар натижа 1:200 дан ошиқ бўлса қўшимча текширувлар - амниоцентез зарур бўлиши мумкин. Агар натижа 1:3001 дан оз бўлса, бу қониқарли натижа ва ҳеч қандай қўшимча текширув усулларига эҳтиёж йўқ.
Амниоцентез усули билан текширишдан олдин ҳомиладорнинг қонидан 2 ҳил оқсилни текшириш орқали ҳам боладаги нуқсонларни юқори ишончлиликда текшириш усули мавжуд: PAPP-A ва HCG ларга қон таҳлили. Агар кичик операция деб ҳисоблаганингиз амниоцентездан қўрқсангиз юқоридаги 2 та оқсилга қон таҳлилини топширишингиз мумкин.
Ҳавотирга тушманг ва қўрқманг, иншааллоҳ, ҳаммаси яхши бўлади, одатда кўп ҳолларда Даунга риски бор болалар соғлом туғилишлари ҳам мумкин. Дуоларингизда бардавом бўлинг ва Аллоҳдан ҳам жисмонан, ҳам руҳан соғлом, солиҳ зурриёт туғилишини сўранг, Роббим: Дуо қилинг ижобат қиламан - , деган Зот!
