Ассалому алайкум! Куни кеча тармоқли маркетинг тижорати ҳаром эканлиги ҳақида каналингизда ўқиб қолдим, 5-6 йил илгари ҳудди шу тижорат билан 1-йилча шуғулланганман, вақтни бекорга сарфлаётганимни тушуниб тўхтатганман. Лекин ҳаром иш эканлигини, шариъат ҳукмларига зид эканлигини куни кеча билдим. Бу ҳолатда гуноҳ иш қилган ва бировни ҳаққини еган бўлиб қолмганманми, гуноҳларим каффорати учун нима қилсам бўлади? Ушбу тижорат орқасидан фойда олганимни эслай олмаяпман, лекин 1 йил вақтим шу ишга кетган, одам ёздириш, парфюмерия маҳсулотларини сотиш билан шуғулланганман. Қимматли вақтизни аямай жавоб бераётганиз учун раҳмат. Аллоҳ сизлардан рози бўсин.
– Ва алайкум ассалом! Тахминан кўнглингиз тўладиган ҳолат бўлгунича садақа чиқаринг. Албатта тавба қилиб истиғфор айтганингиздан кейин. Валлоҳу аълам!
