Ассалому алайкум! Биз оиламиз билан чeт элда яшаймиз. Ҳозирда икки нафар фарзандимиз бор ва уларга давлат томонидан ҳар ой пул оламиз. Биз кўп ҳолларда шу пулларга қизимиз сарпосига деб тилла тақинчоқлар олиб қўямиз. Баъзида «дунёда шунча қамбағал, нонга муҳтожлар бору биз тилла олишга пул сарфлаяпмиз» деб кўнглим ғаш бўлиб қолади. Шундай қилиш Қуръони каримдаги «Такассур» сурасида таърифланган одамларнинг амалларига ўхшаб қолмайдими? Болаларим доим бeрин дeйишади ухлашдан аввал Пайғамбаримиз соллаллоҳу алайҳи васаллам ҳақларида гапириб беришимни сўрашади. Менга пайғамбарларимиз ҳақидаги қайси китобни тавсия этасизлар?
«Билимсизликнинг шифоси» ҳайъати:
Ва алайкум ассалом! Ўзларининг ҳақлари бўлса, йиғишнинг зарари йўқ. Аммо ўзингиз вақти-вақти билан садақа чиқариб туринг. Сизга Ҳазратимиз Муҳаммад Содиқ Муҳаммад Юсуф раҳимаҳуллоҳнинг «Ҳадис ва ҳаёт» китобининг 20-жузи «Анбиёлар қиссаси»ни топиб ўқишингизни тавсия қиламиз. Яна қўшимча қилиб шу китобнинг 19-жузи «Оламларга раҳмат Пайғамбар», 24-жузи «Пешқадамлар розияллоҳу анҳум» лардан фойдалансангиз умид қиламизки ўзингиз, оилангиз ва фарзандларингизга керакли, бой маълумотларни оласиз. Валлоҳу аълам!.
