Турмуш қурмаслик жоизми?

15:55 / 24.02.2021 | MWX | 1166
Ассалому алайкум! Ёшим 29 да, турмуш қурмаганман. Динимизда қиз бола турмуш қурмаслиги жоизми? Бунга шариатда қандай ҳукм бор? Турмуш қурмасдан яшаса ҳам бўлаверадими ёки турмуш қуриш шартми? Турмушни охират неъматига алмаштирса бўладими, яъники, турмуш ўрнига Аллоҳдан жаннатини сўраш мумкинми? Жавоб учун олдиндан раҳмат.
Одинахон Муҳаммад Юсуф:

– Ва алайкум ассалом! Шариатда турмуш кўришга тарғиб қилинган. Расулуллоҳ соллаллоҳу алайҳи васаллам никоҳ менинг суннатим, ким суннатимдан юз ўгирса, мендан эмас, деганлар. Никоҳ инсоният учун фойдадир, бу билан насл қолдирилади, мусулмонлар сони кўпаяди, айниқса аёл киши оила риоятида бўлади, иффатини сақлаш осон болади ва бундан бошқа кўп ижобий томонлари бор. Оилалик бўлмаса ёлғизлик ташвишлари чиқиб келади, айниқса ёши улғайганида. Жаннатга оиладан кечиб эмас, оила масъулиятларини бўйинга олиб эришилади.  Валлоҳу аълам!