Ассалому алайкум! Одатда, қиз бола умрага, ҳажга бориши мумкин эмас, деб эшитамиз. Бу қанчалар тўғри, отаси акаси ва укаси бўлмаса ҳам, онаси билан бориши мумкинми? Олдиндан раҳмат.
Одинахон Муҳаммад Юсуф:
– Ва алайкум ассалом! Қиз бола умра ва ҳажга бориши мумкин эмас, деган гап йўқ, балки ҳаж у учун фарздир. Фақат фарз бўлиш шартлари бор. Аёл киши учун ушбу икки ибодатга бориш учун маҳрам керак. Валлоҳу аълам!
