Ассалому алайкум! Ассалому алайкум устоза Одинахон опа! Илоҳим, Аллоҳнинг Ўзи сизга қувват ато этсин. Мавлидни албатта отин ойиларни чақириб ўқитиш керакми ёки ўзимиз ўқисак ҳам бўладими? Илтимос шу ҳақида батафсил маълумот берсангиз. Олдиндан раҳмат
Одинахон Муҳаммад Юсуф:
Ва алайкум ассалом! Мавлид маросимидан асосий мақсад Расулуллоҳ соллаллоҳу алайҳи васалламнинг шахсиятлари, суннатлари ва ҳаётлари билан яқиндан танишиш, эсга олишдир. Қисқа қилиб айтганда шу маросимдан мўмин ўзига фойда олишидир. Саловот айтиб Аллоҳнинг раҳматига ноил бўлиш. Буни отинойисиз амалга ошириш имкони бўлса, уни чақирмай ҳам ўтказилаверади. Акс ҳолда, билимли, ишончли муаллималаримиз билан ўтказилгани афзал. Валлоҳу аълам
