Ассалому алайкум! Уй бекасиман. 4 та фарзандим бор. Намозларни ихлос билан бошлаш ва эринчоқликни кетказиш учун қандай йўл тутиш керак?
Одинахон Муҳаммад Юсуф:
Ва алайкум ассалом! Аввало эринчоқликнинг сабабини аниқлаш лозим. Соғлиқни текшириш керак. Намознинг фарз экани, қиёматда биринчи сўраладиган, торозуга солиб ўлчанадиган амал намоз экани ҳақида тафаккур қилмоқ лозим. Намоз ва ихлос, қиёмат, ҳисоб китоб каби мавзулардаги маърузаларни эшитиш, ўзида сингдириш лозим. Ҳамхоналардан, опа сингил дугоналардан шерик топиб ҳар намозни ўз вақтида ихлос билан адо этишда назорат ва кўмакларини сўраш керак. Аллоҳ таоло барчамизни намозларни мукаммал ўқийдиган бандалардан қилсин! Валлоҳу аълам
