Ассалому алайкум! Одинахон опа. Мен мактабда информатика фани укитувчиси булиб ишлайман. Информатика укитувчиларига халкаро сертификат олиш буйича топширик берилганди. У сертификатни олиш буйича кулланма ёки бирон маълумотлар хам йу́к. Кейин ижтимоий тармоклардан видеоларини топиб анча харакат килдим. У ердаги саволлар инглиз тилида экан у́збекчага таржима килиб ишланса маънолари сал у́згарадикан. Хуллас эплай олмадим. Кейин шерикларим мени у́рнимга биттаси пул эвазига топшириб беришини айтди. Мен рози бу́лдим. Чунки 3 йил шу сертификатга 50% устама ту́ланар эди. Кейин шу пул менга халол бу́лармикин деб у́йланиб колдим. Кейин мени номимга тест топширган кизга тел килдим. Иккиланяпман ёнизга борсам у́зимга у́ргатиб ку́йсез у́зим топшириб ку́рсам дегандим, у́ргатишга вактим йу́к келишганимизга иккимиз хам рози бу́лганмизку ку́нглингизга келтирманг, агар ку́нглингиз бу́лмаётган бу́лса телеграм группамдаги маълумотларни у́рганиб олинг деди. Шунга нима килсам экан деб у́йланяпман. Маслахат берсангиз.
– Ва алайкум ассалом! Икки бандани розилиги Аллоҳнинг ҳаромини ҳалол қилиб қўймайди. Ҳадисда “مَنْ غَشَّ فَلَيْسَ مِنِّي” яъни «Ким алдаса, биздан эмасдир», дедилар».
Абу Довуд, Муслим ва Термизий ривоят қилганлар.
Сиз ҳам ёлғон ёки макр қилмасдан ўзингиз ўрганиб ўша 50% устамага муносиб бўлинг. Акс ҳолда сизга ҳалол бўлмайди.
Валлоҳу аълам!
