ЛАъСОРЭ бу Навоий вилояти Кармана туманида Корея Косметикаси асосида Ўзбекистон иқлимига мослаштириб ишлаб чиқарилаётган парфумерия маҳсулотлари ишлаб чиқарадиган компания. Маҳсулотлари сифатли. Нархига мос, жуда қиммат ҳам эмас, айтилганидай терини даволашга хизмат қилади. Ҳамма маҳсулотлари сифатли ва узоқ вақт ишлатишга етади.
ЛАъСОРЭ да ҳам аъзо бўлган киши орқасидан янги ҳамкорлар аъзо бўлса, ўша юқоридаги спонсорларга балл ва ойлик кўпаяди. Лекин бунда аёллар учун қўшимча даромад бор. Айниқса ишсиз аёллар учун жуда фойдали. ЛАъСОРЭ маҳсулотларида алдаб сотиш йўқ. Ҳар ой белгиланган миқдордаги маҳсулотни олиб сота олганларга алоҳида 50% чегирма нархда совғалар бор. 9 ой ичида 2 марта 500минглик ва 900минглик совға наборлар берилади. Ҳар ҳафта текин дарслар берилади маҳсулотлар ҳақида, психологик дарслар, савдога оид дарслар. Жамоавий яхши ишлаганларга катта катта ойликлар чиқади, 1млндан 75млнгача. Бундан ташқари, алоҳида чек совғалар бериб туради 100 доллардан 10.000долларгача. Саёҳат совғалар беради. Ёлғиз оналар учун ҳар ой алоҳида совғалар бор.
Мани ўйлантирган нарса шуки: тармоқли маркетингда, пирамидаларда, арзон нарсага юқори нарх белгилаб, уни кетидан фақат юқоридаги 4-5та лидерлар даромад олгани учун Пирамида ва тармоқли маркетинг ҳаром ҳисобланар экан. ЛАъСОРЭ да ишлаб, уни ойлигини ва совғаларини олиб ишлаш ҳам ҳаром бўладими?
Ман Компанияга 5 ойдан бери аъзоман. Мана шу юқоридаги нарсалар мани ўйлантирганлиги учун ҳали ҳеч кимни орқамдан аъзо қилдирмадим. Ўзим учун нарсалар олиб, яқинларимга, сўраганларга ички нархда нарсаларидан сотиб юрибман.
Давом эттириб қоидалар бўйича ишлашни ёки тўхтатишни билмай иккиланиб юрибман. Илтимос, саволимга жавоб беринг. Ўйлайманки, кўпчилик учун ҳам манфаатли бўлади. Олдиндан раҳмат.
