Ассалому алайкум! Яқинда мен бир танишим (курсдош дугонам)билан бирга намоз ўқидик. Чунки Шунда у мени иккилантирган баъзи фикрларини айтди. У намозни бир дугонасиман у эса мулла отасидан ўрганган экан. Мен эса Намоз ўқишни ўрганамиз китоби ва Ютубдаги видеодан кўриб ўргангандим. Шу сабабли шубҳаларимга аниқлик киритиш мақсадида баъзи саволларни сўрамоқчи эдим. Жавоблар учун олдиндан раҳмат. 1. Аёл киши намоз ўқигунча саждада бармоқлари зич ҳолда қиблага йўналган бўлиши керакми? Танишим мени шундай ўқиётганимни кўриб бу хато, деб айтди. Айтишича, 2та қўлда ҳам бош бармоқ қолган 4та бармоқдан ажралган ҳолда ўртасига пешона сиғадиган даражада қилиб бир-бирига яқинроқ қия шаклда бўлиши шарт экан. Мен ўқиётганим худди эркакларникидек экан. Шунга ойдинлик киритиб берсангиз. 2. Саждага борганда оёқлар тикка тўғрига юзланади ва ундан кейин ўтирганда оёқлар ўнг тарафдан чиқариб ўтирилади. Ва Оллоҳу Акбар деб кейин яна саждага борилганда оёқларни яна тананинг орқасига олиб тикка тўғрига юзлантириладими? Мени шеригим саждага 2-марта борганда оёқ ўтирган ҳолдаги жойида қолиши керак, акс ҳолда яъни оёқ қимирласа намоз бузиларкан. Шу қанчалик тўғри? 3. 2-саждадан кейин қиёмга қайтгунча аввал бир ўтириладими? Яъни мен саждадан кейин қиёмга кетишдан олдин оёқни яна ўнг тарафдан чиқариб ўтириб, Оллоҳу Акбар деб айтаман ва кейин маълум муддат(секундлар)дан кейин тураман қиёмга. У эса саждадан сўнг бирдан Аллоҳу Акбар деб ўтирмасдан туриб кетиш кераклигини айтди. Қай бири тўғри?