Ассалому алайкум! Ассалому алайкум! Саволим учун олдиндан узр. Мен турмуш ўртоғим билан 6 ой яшаб, овсинимнинг тухмати сабаб ота уйимга қайтдим,эрим менга келинойим(овсиним) сендан кўра қадрли дедилар , қайнонам эса ҳомиладор ҳолимда уйдан ҳайдавордилар ва орадан 2 йил ўтган болса ҳам оиламиз тикланмади. 2 йил 1 ой давомида эр хотинлик алоқалари болмаган. 1 нафар фарзандим ота уйимда туғилди. Ҳозир 2 ёшда. Маҳалла яраштиришга урунган пайтлар эрим сен билан ажрашаман, бошқасига уйланаман ,сен бахтингни топ деб кўп бора айтган эди. Мен ажрашишни истамадим. Турмуш ўртоғим судга ажрим аризасини берди, суд берган муҳлат ҳам тугаб расман ажрашдик. Менда ҳайз ҳолати 4 кун давом этади. 1 кун о‘тказиб 5-куни ғусл қилар эдим. Суд куни ҳайзимнинг 5 куни эди. Судда эрим менга ҳар хил ножоиз гаплар айтгани учун , ва суд бошқа муҳлат бермаслиги аниқ болгач ажримга рози болдим ва расман туагаган бўлса шаран ҳам тугасин унда дедим. Эрим "талоғингни бердим, бошинг очиқ билганингни қил" деди. Уйга келиб бўлганларни онамга айтсам талоқни уволи болага уради , талоқ эшитмасдан ҳам закс кесилса бошқасига эрга тегсанг болаверарди деб мени уришдилар. Саволим: 1. Ҳайз ҳолатида талоқ берилмаслигини билмасдим, бугун зикр аҳлидан соранг каналидан ўқиб қолдим. Менга ҳайз ҳолатида талоқ эшитганим учун гуноҳкор боламанми? Бунинг ҳукми қандай? Энди мен нима қилай? 2. Менга эримнинг гапларидан нечта талоқ тушган? 3. Онам айтганидек талоқнинг уволи болага таъсир қиладими? 4. 6 ой яшаб, ҳомиладор ҳотинини кочага ташаб қўйиб 2 йил ундан ва боласидан хабар олмаган эримдан талоқ сораганим гуноҳми? Ахир энди 26 ёшдаман. Эрим билан расман ажрашганимда ҳам талоқ олмай кутишим керакмиди?
– Ва алайкум ассалом! Ҳайз ҳолатида талоқ қўйган гуноҳкор бўлади, талоқ эшитган эмас.
Айтган гапларини аниқ эшитмай туриб неча талоқ тушганини айтиб бўлмайди.
Талоқнинг уволи деган гап йўқ, болага талоқ, оиланинг бузилиши таъсир кўрсатиши ҳаммага маълум.
Яшашга кўз етмаганда талоқ сўраш жоиз. Валлоҳу аълам!
