Ассалому алайкум! Рўза тутмоқчиман. Уйда кўпчилик яшаймиз: мен, қайнонам, қайнотам, қайним, 2 та қайнисинглим, ўғлим, эрим чет элда. Ҳамма уй ишлари зиммамда. Баъзан ҳолсиз бўлиб, чарчаб қоламан. Қоним камлиги учунми тез-тез бошим оғрийди. Шу ойда рўза тутаман деб юрган эдим. Қайнонам “йўқ, ярамайсиз. Рўзғорда ким қилади ишларни? Касал бўласиз, кейин қонингиз кам ўзи”, деб рухсат бермаяптилар. Қандай йўл тутай?
– Ва алайкум ассалом! Рўза фарз амал, Аллоҳнинг буйруғи. У учун бошқа бир банданинг рухсати керак эмас. Аввало Аллоҳнинг айтгани қилинади. Рўза тутинг. Бирор ой бошқа ишлар чала бўлса бўлиб турар. Шифокор билан маслаҳатлашиб, керакли озуқаларни тановул қилиб боринг, ҳолсизланмаслик учун тавсиялар олинг. Валлоҳу аълам!
