Қурбон ҳайитингиз муборак, азизлар!
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳга шукроналар бўлсинки, У Зот бизни бутун оламдаги Ислом уммати қаторида Қурбон ҳайитидек қутлуғ кунга етказди. Қурбон ҳайити ва бу улуғ кунда қилинадиган ибодату амаллар Ислом динимизниниг буюк шиорларидандир. Бу муқаддас маросимларни улуғлашни Аллоҳ ўз каломида иймон ва тақво аломати эканини баён этган.

Бинобарин, бу кунларини юксак даражада иззат-икром билан нишонлаш, байрам қилиш, ер юзидаги барча мусулмонлар учун муқаддас бурч саналади. «Аллоҳнинг шиорлари» деганда нималарни тушунамиз? Ҳаж ибодати пайтида бажариладиган амаллар: Байтуллоҳни тавоф қилиш, Сафо ва Марва ўртасида саъй этиш, Аллоҳ учун қурбонлик бажо келтириш Аллоҳнинг шиорларидир. Шу билан бирга, уламолар «Аллоҳнинг шиорлари» деган калима жуда кенг маънода қўлланилишини таъкидлайдилар. У ҳаж амаллари билан бир қаторда диннинг барча зоҳирий рамз-белгиларини ифодалайди. Шундай экан, Исломнинг муқаддас шиорларини улуғлаб, Аллоҳнинг таҳсинларига сазовор бўлиш бахти ер юзининг барча бурчакларидаги мўминлар учун баробардир. Бир зум тафаккур қилган инсон Аллоҳ таоло жорий қилган мазкур амалларда ажойиб ҳикматларни кўради. Бу кунларда муқаддас қибламиз жойлашган шаҳар Маккаи мукаррама ва Расулуллоҳнинг қабри шарифларини ўз бағрига олган Мадинаи Мунаввара, бутун оламдан йиғилган миллионлаб мусулмонлар билан тўлиб-тошади.

Каъбаи муаззама атрофи ва Пайғамбар соллаллоҳу алайҳи васаллам масжидлари бениҳоят обод бўлади. Кечасию кундузи осмонга узлуксиз кўтарилаётган миллионлаб, балки миллиардлаб такбирлар, дуою зикрлар, тиловатлар Исломнинг нақадар буюк, қудратли ва мукаммал дин эканини оламга намойиш этиб туради.

Яна шу куни бутун жаҳонда яшаётган миллиарддан ортиқ мусулмонлар такбир-таҳлиллар билан Аллоҳни улуғлаб, кўчаларга чиқадилар, намозгоҳларга йиғиладилар. Иймонлар зиёда бўлади. Солиҳ амаллар кўпаяди. Бу ҳодисаларни агар Аллоҳнинг Ўзи жорий қилиб, кузатиб, бошқариб турмаганда, уларни инсон боласи томонидан ўйлаб чиқариб, бир тартибга солиш, ҳаётга сингдириб юбориш, кейин эса юзлаб, минглаб йиллар мобайнида бир хил суратда давом эттириб бориш ақл бовар қилмайдиган иш бўлур эди.

Ҳа, шубҳасиз, бу улкан тадбирлар Аллоҳнинг санъатидир. Шундай экан, уларни улуғлаганларнинг тақволари ортиб, муродлари ҳосил бўлиши ҳам ҳеч бир таажжубли эмасдир.
Мавзуга оид мақолалар
Ҳазратнинг вафотлари ҳақида  устозимдан менга sms келди «Шу гап тўғрими » Совуқ тер чиқиб кетди. Интернетга киряпман, Ё Аллоҳ, хабар ёлғон бўлсин, дейман, Ё Аллоҳ, давоми...

01:03 / 08.04.2019 7708
Албатта, тавба солиҳлар йўлининг бошланишидир. Ютуқ аҳлининг сармоясидир. Муридларнинг аввалги қадамидир. Адашганларга тўғриланиш калитидир. Тавба туфайли кўп давоми...

00:34 / 01.12.2016 7230
Кунига тўрт оятдан ёдланса,4 йилу 4 ойу 24 кунда.Кунига беш оятдан ёдланса, 3 йилу 6 ойу 7 кунда.Кунига олти оятдан ёдласа, 2 йилу 11 ойу 4 кунда.

11:13 / 26.03.2023 1883
Аёл Ҳар сафар Қуръони Каримни ўқиган вақтимда Аллоҳ таолонинг эркакларни  жаннатдаги ҳуру ийнлар билан қизиқтиришидан ҳайратга тушаман. Аллоҳ азза ва жалла биз давоми...

08:10 / 01.02.2017 9383