Сабзи саратоннинг олдини олади
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«Агар сабзини тўғрамасдан, бутунлигича қайнатилса, саратон хасталиги олдини оладиган моддалар унинг ичида кўпроқ қолади», дейишмоқда Англия шимолидаги Ньюкасл университети олимлари.

Тўғрамасдан қайнатилганида сабзи таркибидаги фойдали моддалар сақланиб қолади. Олимлар бундай хулосага каламушлар ва инсонларда ўтказган синовлари асосида келганларини айтмоқдалар. Тадқиқотчилар каламушларда ўтказган синовларида жониворлар емишига фалкаринол моддасини қўшиб берганлар. Фалкаринол саратон тарқалиши олдини оладиган моддадир. Сабзи таркибидаги фалкаринол ҳақида ньюкасллик ва даниялик олимлар 4 йил илгари бохабар бўлганлар ва каламушлардаги синовда фалкаринол едирилган кемирувчиларда саратонга чалиниш бошқаларига нисбатан камлиги аён бўлганидан кейин, тўғралган ва тўғралмаган сабзи хусусиятларини ўрганишга киришганлар. Эксперимент (тажриба) раҳбари доктора Кирстен Брандт сабзини тўғраб қайнатилганида унинг ширасини тутиб турадиган ҳужайралар ўлиши ва шираси чиқиб кетишини айтади.«Агар сиз сабзини қайнатилганидан кейин кессангиз, у ҳам тўйимли, ҳам мазали бўлади. Бу ҳамма томондан яхши», дейди Брандт хоним. Тўғралмаганида эса шира сабзи ичида қолади. Юқори ҳарорат ҳужайраларни юмшатганда сабзи таркибидаги шакар, С витамини ва фалкаринол ҳам чиқиб кетади. Доктор Брандт инсонларнинг кўзини боғлаб, бутунлигича қайнатилган ва тўғраб қайнатилган сабзи бўлакларини татиб кўришларини таклиф этган. Ҳар ўн кишидан саккизтаси тўғралмаган сабзининг таъми наригисига қараганда яхшилигини айтишган. Ньюкасл университети олимлари тадқиқотининг тўла натижалари яқинда Францияда бўлиб ўтиши режалаштирилган овқатланиш ва саломатликка бағишланган анжуманда эълон қилиниши кутилмоқда.

Мавзуга оид мақолалар
Башариятга пайғамбарларини мураббий ва муаллим қилиб юборган Аллоҳ субҳанаҳу ва таолога ҳамду санолар бўлсин Инсонларнинг энг афзал мураббийси ва муаллими давоми...

23:41 / 22.02.2019 4848
Аллоҳ таоло «Ҳужурот» сурасида «Эй, иймон келтирганлар Кўп гумонлардан четда бўлинглар, чунки баъзи гумонлар гуноҳдир», деган 12оят. Ўйлаб кўрилса, ўзаро низолар давоми...

04:11 / 17.11.2016 3757
Зираворли қуймоқ Тухумлар косага чақилади, устидан зираворлар, туз, майда тўғралган пиёз ва кўкатлар солиниб яхшилаб аралаштирилади. Сариёғ ва ўсимлик ёғи қизиб давоми...

08:21 / 01.12.2016 2302
Аллоҳ таоло шундай марҳамат қилади «Нуун. Қалам билан ва сатрларга ёзадиган нарсалар билан қасам» Қалам сураси, 1оят. Қуръони Каримнинг дастлабки нозил бўлган давоми...

05:51 / 01.12.2019 1944