Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
|
Оиша розияллоҳу анҳодан ривоят қилинади:
«Расулуллоҳ соллаллоҳу алайҳи васаллам билан бирга ўтириб «ҳийс» ер эдим. Умар ўтиб қолди. У Зот уни чақирдилар. У еди. Бас, унинг қўли панжамга тегди. Шунда: «Уфф! Агар менга қолса, сизларга ҳеч кимнинг кўзи тушмасди» деди. Бас, ҳижоб нозил бўлди».
Шарҳ: Бу ривоятнинг бобга боғлиқ жойи Расулуллоҳ соллаллоҳу алайҳи васалламнинг ўз аёллари Оиша розияллоҳу анҳо билан бирга овқатланганларидир.
Умму Субайя бинти Қайс розияллоҳу анҳо шундай ривоят қиладилар:
«Қўлим Расулуллоҳ соллаллоҳу алайҳи васалламнинг қўллари билан бир идишда тўқнашган».
Шарҳ: Уламолар бу ҳодиса ҳижоб ояти тушишидан олдин бўлган дейдилар. |
