Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ижтимоий муаммоларимизга ойдинлик
Эрнинг ўз аёлини уриши
(бўйсунмаслик ёки хусумат)
Мусулмон эркак аёли билан бўладиган муносабатда уриш ёки сўкиш каби бирор ёмонлик қилишга интилмайди. Ҳатто аёлдан бехосдан камчилик ёки ўжарлик содир бўлиб қолса ҳам, уни хафа қилмайди. Чунки Ислом юклаган ҳақиқий бурч эр-хотин бир-бирларининг ҳаққида қўполлик қилмасликни, аксинча, уларнинг ҳар иккисига (тартибга солувчи) хавфсизлик жиҳозини ташкил этади. Ажабланарлиси шуки, Исломнинг обрўсини тушириш ҳамда унга хусумат нишонини тиркаш нуқтаи назаридан аёл ва унинг ҳуқуқларига ўзини ёлғондан жонсарак қилиб кўрсатаётган эрларнинг аксарияти аёлларга озор беришда одамларнинг энг илдамлари, шунингдек, уришу дўппослаш орқали уларга қўл кўтаришда қўллари энг узунларидир.Имом Бутий ҳикматларидан
Абдуллоҳ Ғуломов таржимаси
