Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Грузия бош вазири Батумида масжид қурилиши борасида ҳеч қандай муаммоларни кўрмайди, деб хабар беради Тренд. «Мусулмонларга масжид керак бўлган ҳолда, нега энди бу масала Батуми учун бирдан муаммога айланиб қолди, тушунмайман. 

Улар ҳам бизнинг фуқароларимиз, улар ўз диний эҳтиёжларини қондиришлари керак», деди Бидзина Иванишвили 14 март куни ҳудудий оммавий ахборот воситаларининг вакиллари билан бўлган учрашувда.

«Биз бағри кенг халқмиз , грузин мусулмонлари ҳам христианлар каби бизнинг фуқароларимиз ва улар ҳам шундай ҳуқуққа эгадирлар», деди бош вазир. Бидзина Иванашвили бу масалада эҳтиёт бўлишга чақирди. «Биз ҳеч қачон одамларнинг диний эътиқоди учун таъқиб қилмаймиз. Шахсан мен ўз маблағимга масжид қуришни хоҳлайман ва бунинг учун биз керакли шаклни топамиз», деди Иванишвили.

«islam.ru» сайтидан олинди. Муслима Робиъа тайёрлади