“GRAND TA'LIM” ўқув марказининг янги филиали иш бошлади
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 

   Шу йилнинг  22 январь куни Зангиота туманида “GRAND TA'LIM” ўқув маркази янги филиалининг очилиш маросими бўлиб ўтди.  Зангиота зиёратгоҳи мажмуаси рўпарасидан жой олган бу таълим маскани юртимиз аҳолисига, айниқса ёшларимизга араб, инглиз ва рус тилларини ўрганишлари учун энг маъқул ва энг севимли ўқув маскани бўлиб хизмат қилади, деган умиддамиз.

   Ўқув марказининг очилиш маросимини марказ бош директори Музаффар Саттиев кириш сўзи билан бошлаб берди. У киши ўз нутқи давомида ўқув марказининг очилиш тарихи, фаолияти, ўтган йиллар давомида эришилган ютуқлар, янги филиаллар ва халқаро алоқалар ҳақида алоҳида тўхталди.

  Маҳалладан таклиф этилган фаоллар, оқсоқоллар ҳам сўзга чиқиб, илм-зиё тарқатиш мақсадида иш бошлаётган бу даргоҳ жамоасини муборакбод этдилар, келгуси ишларида ривож ва барака тиладилар.

Ўша кунининг ўзидаёқ мутахассислар жамоаси болажонлар учун эрталаб 9:00 дан кечки соат 5:00гача бепул логопед текширувларини ўтказишди. Янги бино қулай синфхоналар, бежирим замонавий техник ўқув анжомлари билан жиҳозланган.

Тадбирдан сўнг Ҳилол-нашр матбаа нашриёти директори ўринбосари, Муслимаат.уз сайти раҳбари Одинахон Муҳаммад Содиқ сайт ходималари билан биргаликда ўқув марказига ташриф буюриб, бу хайрли ишларнинг бошида туриб, халқ хизматига астойдил бел боғлаган “GRAND TA'LIM” ўқув маркази директорини ва бу йўлда холисона хизмат қилган барча азизларни муборакбод этдилар.  Ушбу ўқув маркази халқимиз илм-маърифатини оширишдек савобли ишларни амалга ошириш йўлида хизмат қилувчи чинакам илм маскани бўлишини, у ерда фаолият юритувчи ходимларга эса куч-қувват, манфаатли илм ато этишини Аллоҳ таолодан сўраб, уларнинг ҳаққига хайрли дуолар қилдилар.

Муаллиф
Мавзуга оид мақолалар
Ҳаётда ёқтирмайдиган нарсаларимдан бири ndash хоҳ сурат, хоҳ видео бўлсин, тасвирга тушиш. Аммо давоми...

16:16 / 11.06.2023 1476
ТАБРИКНОМАУстозимиз, буюк олим ва мужтаҳид, Ўзбекистоннинг собиқ муфтийси Муҳаммад Содиқ Муҳаммад Юсуф давоми...

21:26 / 08.11.2021 16084
Босния ва Герцеговинанинг биринчи муслима вазири, Сараево кантонининг мактабгача, бошланғич ва ўрта таълим давоми...

19:58 / 14.01.2021 3220
Бисмиллаҳир роҳманир роҳиймАзиз юртдошлар, муҳтарама опасингилларМана Қуръон ойи, сабр ойи, ибодат ойи давоми...

04:28 / 21.04.2023 1887