Сингапурлик талабанинг ташаббуси
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сингапурлик талабанинг ташаббуси

Ҳар йили Сингапур масжидларида Рамазон ойида кам таъминланган оилаларга бепул саҳарлик ва ифторлик тарқатилар эди. Бироқ бу йил  карантин бўлиб масжидларнинг фаолияти тўхтагани сабабли муҳтож мусулмонлар бундай ёрдамни олишолмади.

Бундай ҳолатларга талаба Рузаини Слазан бефарқ қараб тура олмай, ўз ташаббуси билан чиқди. Муҳтожларга қўлидан келганча  ёрдам қўлини чўзишга қарор қилди.

 “Масжидлар ёпиқ. Рамазон ойида саҳарлик ва ифторликни масжиддан кутган мусулмонларнинг ҳоли нима кечади, деган савол мени тинч қўймади...” деб изоҳ берди Рузаини.

Рузаини муҳтожларга озиқ-овқат етказиб бериш учун жамиятдан хайр-эҳсон йиға бошлади. У душанбадан жумагача эрталаб соат тўққиздан кеч соат бешгача онлайн дарслар билан банд бўлади. Сўнг у машғулотлари тугаши билан ифтор тарқатишга шошилади. Уйига қайтиб келгач, ифторлик қилади ва дам олади. Эртаси куни тунги соат икки яримдан бошлаб саҳарлик тарқатишни бошлайди. У бу ташаббуси жисмонан оғир бўлса-да, мароқли эканини таъкидлайди. У ҳозирга қадар 250 та оилага ёрдам кўрсатди. Бепул озиқ-овқат олганлар орасида мусулмон бўлмаган оилалар ҳам бор.

“Асосийси, биринчи қадамни қўйиш. Бу қадамни қўйгач, қолгани ўз ўрнига тушади...” дейди Рузаини.

Манба: ummamag.kg

Бибиражаб тайёрлади

Мавзуга оид мақолалар
Пандемия вақтида Рамазон рўзасини тутишБу борада мутахассис нима дейди Aбу Дабидаги Кливленд клиникасининг юқумли касалликлар бўйича мутахассиси фикрига кўра, давоми...

14:09 / 23 апрель 264
Кеча 15 июнь 2019 йил санасида Хадичаи Кубро аёлқизлар ўрта махсус Ислом билим юртида 20182019 ўқув йили битирувчиларини кузатиш муносабати билан Хатмона 2019 тадбири давоми...

11:24 / 16.06.2019 498
Дунё мусулмонлари ҳақида 10 та фактБугунги глобаллашган оламда, мусулмонларнинг турли миллат вакилларидан ташкил топганлигини яхши биламиз. 2015 йилги Pew Research Center давоми...

15:53 / 02 май 1244
Бугун 13 декабрь 2018 йилда Ўзбекистон халқаро Ислом академиясида Ёшлар Иттифоқи бошланғич ташкилоти ва Uzxiaofficial Media гуруҳи томонидан ўтказилаётган Орзулар давоми...

07:45 / 13.12.2018 591