Лондонлик 100 ёшли отахоннинг навбатдаги хайрияси
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.


Лондонлик 100 ёшли отахон Рамазонда қочқинлар шарафига ўз уйи атрофидаги боғни 100 марта айланиб чиқиб, хайрия учун маблағ топмоқда.

100 ёшга етишнинг ўзи ноёб ва ҳайратланарли хусусиятдир. Aммо лондонлик Дабир Чудхури, 26 та хайрия жамғармалари, шу жумладан Ғазо, Сурия ва Яманга ёрдам тарқатиш учун пул йиғиш мақсадида Рамазон ойида рўза тутиб, кўпчилик учун ақлга сиғмайдиган иш – уйи яқинидаги боғи атрофида 100 марта пиёда айланиб чиқиб хайрия лойиҳасини амалга оширмоқда.

Дастлаб Дабир ўтган якшанба куни CОVID-19 қурбонлари учун 1000 фунт стерлинг (1250 доллар) йиғишга ваъда берди. У ўз олдига Рамазон ойида рўза тутаётган ҳолида уйининг ташқарисидаги боғни пиёда босиб ўтишни мақсад қилган. Дастлабки тўққиз соат ичида “ЖaстГивинг”нинг хайр-эҳсонларни қабул қилиш саҳифаси белгиланган мақсадга эришди ва кейинги 48 соат ичида хайрия ҳақидаги хабарлар бутун мамлакат бўйлаб тарқала бошлади. Ҳозир уларнинг умумий миқдори 6000 фунтдан ошади ($ 7515).

Қўллаб-қувватлашлардан илҳомланган Дабир ваъдасини янгилади ва энди донорлар хайр-эҳсон қилишда давом этмоқда. Хайриядан йиғилган маблағлар 26 та турли хил миллий хайрия ташкилотларига, шунингдек, CОVID-19 қурбонларини қўллаб-қувватлашга ва Яқин Шарқда ёрдам кўрсатадиган халқаро хайрия ташкилотларига йўналтирилади. Дабир ўз тарафдорларини эътироф этган ҳолда: “Хайр-эҳсонингиз учун ташаккур. Мен оч болаларнинг табассум қилиши учун ёлғиз курашмаяпман, биз биргаликда курашмоқдамиз. Ушбу маблағ Буюк Британия, Бангладеш ва бошқа кўплаб мамлакатларда жуда муҳтож оилаларга ёрдам беради", дейди у.

Манба: middleeastmonitor.com

Дилноза Мамадалиева таржимаси

Мавзуга оид мақолалар
Дунё муслималарига хушхабар Ва ниҳоят Ғарб модаси Ўрта Шарқ томон йўл олди. Йўл ҳам айланма эмас, том маънода тўппатўғри. «Dolce and Gabbana» маркаси муслималар учун давоми...

07:47 / 28.02.2017 5383
«30 кун ҳижобда» бу йилги Рамазон ойида айни мана шу ном остидаги акция ўз ҳаракатини давом эттиряпти. Муслималарни қўллабқувватлаш ҳамда жамиятдаги исломофобик давоми...

03:12 / 14.06.2018 818
Ўтган йилнинг ноябрида Мустафо Алптуғ Сўзен метро рельсларига йиқилиб тушган инсонни қутқариб қолган, бироқ ўзи ҳалок бўлган эди. Франкфурт ҳокимияти ва Deutsche Bahn давоми...

11:53 / 19.06.2019 414
ТАЪЗИЯ.Ҳар бир жон ўлимни тотгувчидир, Анбиё сураси, 35оят..Muslimaat.uz, саҳифаси, .Бинту Содиқ, маърифий канали жамоаси Тошкент шаҳар бош имомхатибининг хотинқизлар давоми...

17:56 / 15 февраль 563