“Жаннат райҳонлари” танлови ғолиблари тақдирланди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.



Минглаб инсонлар учун диний илм-маърифат ўчоғи бўлган Мисрнинг Қоҳира шаҳрига илм истагида бориб, у ерда истиқомат қилаётган юзлаб юртдошларимизни ўзида жамлаган “Илм аҳли” жамоаси зулҳижжа ойининг бошларида болажонлар учун “Жаннат райҳонлари” деб номланган танлов  эълон қилишган эди.  Айнан болажонлар учун махсус ўтказилган бу танловда улар  ўз маҳоратларини, ижод намуналарини  намойиш этишди.

Дунёда бандагa берилган неъматлар ичидаги энг орзу қилингани фарзанд неъматидир. Улар қалб райҳони, гулидир.  Улар дунё ҳаётининг зийнатидир. Пайғамбаримиз Муҳаммад алайҳиссалом болажонларни “жаннат райҳонлари”, деб атаганлар. Яна бир ҳадиси шарифларида: “Боланинг  ҳиди  жаннат ҳидларидан бир ҳиддир”, дейилган (Ҳоким ривояти). Уларнинг жаннат райҳонлари бўлиб етишишлари эса болажонларимизнинг чиройли хулқли, диёнатли, эл-юртига садоқатли, миллатига муносиб этиб тарбиялашимизга боғлиқдир.

Мана шундай мақсад сари интилган жамоа аҳли болажонларнинг  зулҳижжа ойига оид ояти карималар ва  Пайғамбаримиз алайҳиссаломдан ворид бўлган муборак ҳадисларни ёддан ҳифз қилишига эътибор қаратишди. Шунингдек, уларнинг ижод намуналари – шеърлар, расмлар ва макетларини диққат-эътибор билан кузатиб боришди.

7 август куни бўлиб ўтган кичик тадбирда танлов ғолиблари  аниқланиб, эълон қилинди. Энг маҳоратли, зукко ва истеъдодли  бир неча болажонлар ҳомийлар томонидан эсдалик совғалар ва фахрий ёрлиқлар билан тақдирландилар.


@bintusodiq ⬇️⬇️ https://t.me/joinchat/AAAAAEBwhmhgsq2sn2s4Mg

Мавзуга оид мақолалар
Muslimaat.uz сайти жамоаси билан онлайн ҳамкорлик қиламан. Куни кеча бўлиб ўтган тадбирда сайт раҳбарияти давоми...

06:16 / 19.08.2023 1970
Сиз Адунни Аденинг нигериялик актриса ва модел эканлигини эшитгансиз. У 1976 йил 7 июнда АҚШнинг НьюЙорк давоми...

01:18 / 01.06.2020 4251
АҚШнинг Калифорния штатида жойлашган Rahmah Foundation ташкилоти мустақил таълим ташкилоти ҳисобланади. Ташкилот давоми...

09:04 / 30.07.2020 2633
Muslimaat.uz сайтининг фаол ходимаси Зуҳрахон Ҳамдамовага оналари Раънохон aя Дўсматованинг вафоти муносабати давоми...

22:28 / 17.02.2024 1274