Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Она сути билан озиқланадиган болаларга қўшимча овқатларни бериш 6 ойликдан бошланади.
Ҳеч қайси сунъий сутлар (смеслар) она сутининг ўрнини босмайди! Қўшимчани светофор усулида, яъни яшил сабзавотлар, кейин сариқ, кейин қизил қўшилади. Гўшт, тухум, творог, пишлоқларни бериш 7-8 ойликдан бошланади.
2 ёшгача бўлган болалар умумий қозонда пишган овқатлар билан озиқлантирилмайди, чунки улар қовурилади, зираворлар ва туз қўшилади.
2 ёшгача фақат қайнатма, димлама ва тузсиз таомлар тайёрлаб берилади. Сигир сути 2 ёшдан кейин берилади, чунки унинг таркибидаги козеин моддаси аллергия қўзғатиши ва сут таркибидаги кўп миқдордаги глюкоза бола танасига зиён етказиши мумкин.
Тўғри овқатлантирилган болаларда камқонлик, гиповитаминоз кузатилмайди.
Наргиза Қурбонова,
шифокор
