"Менинг онам сенинг онангдан бой"
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Мактабда бир бой ўқувчи  қизча камбағал дугонасига:


"Менинг онам янги машина сотиб олди, чунки у сенинг онангдан бой-да! Онам ишдалик вақти бизга кўз-қулоқ бўлиши учун янги энага олиб келди, чунки онам сенинг онангдан бой-да! Онам биз учун моҳир ошпаз ёллади, у бизга энг зўр таомларни тайёрлаб беради, чунки менинг онам сеникидан бой-да! Онам касал бўлганимизда қараш учун шифокор олиб келди, чунки онам сенинг онангдан бой-да!

Яна онам бизга янги мударрис ҳам олиб келди, у бизга дарсларимизни тайёрлашда ёрдам беради. Кўряпсанми, онам онангдан бой!" деб роса мақтанибди.

Камбағал қизалоқ унинг гапини шартта бўлиб: "Онам бизга ўз қўли билан энг мазали таомларни пишириб беради, бизга ўзи ғамхўрлик қилади, касал бўлсак, ўзи парваришлайди, дарс тайёрлашимизда ўзи бош-қош бўлади. Онамнинг меҳрга тўла қалби менга етарли!

Онам биз тўйганимизга ишонч ҳосил қилгач, биздан ортган овқатларни ейди. Бизга юмшоқ нон бериб, ўзи қотган нон ейди. Бизга дори беради, ўзининг касаллигини эса яширади. Бизга янги кийимлар олиб беради, ўзи эса эскирган пойабзалини таъмирлатиб кияди…

Кечирасан, дугонажон! Онам сенинг онангдан анча бой!" дебди.

Бу ақлли қизалоқ бой дугонасига шу тариқа умрбод унутмайдиган қилиб дарс бериб қўйибди…


Бир киши шундай ҳикоя қилади: "Оилам даврасида ўтириб, уларга тақдимот маросимида бўлган ноқулай вазият ҳақида айтиб бераётган эдим. "Тақдимотни эндигина намойиш этаман деб турганимда устимга қаҳва тўкилиб кетса бўладими?!" десам, ҳаммалари: "Эҳ, нима қилиб қўйдингиз?!" дейишди. Фақат онамгина мендан ташвишланиб: "Ўзингга ҳеч нарса қилмадими?" дедилар.


Аллоҳим, барча оналарни ҳифзу ҳимоянгда сақла! Уларни сира мусибатга дучор қилма! Бу дунёда онадан бошқа сизга бутун меҳр-муҳаббатини, соғлигию умрини бағишлаб, эвазига сиздан ҳеч нарса кутмайдиган инсон йўқ.  Онанинг бағри хотиржам бошингизни қўйишингиз мумкин бўлган энг эмин жойдир!


Доктор Ҳассон Шамси Пошо. "Метин қоялар" китобидан.

Ғиёсиддин Ҳабибуллоҳ, Неъматуллоҳ Исомов таржимаси

Манба
Мавзуга оид мақолалар
Инсон руҳияти худди унинг танаси соғлом ёки аксинча бўлгани каби, соғлом ёки носоғлом бўлиши мумкин. Руҳият давоми...

16:06 / 02.11.2023 1251
Кириш Муҳаббат энг бетакрор инсоний туйғулардан бўлиб, қадимдан барча жамиятлар ҳаётида юқори ўрин давоми...

15:00 / 09.12.2019 3969
Рус тилидан Гўзал Дадамуҳамедова таржимаси     Мен Австриянинг Линце шаҳрида 1953 йилда туғилганман, давоми...

13:24 / 20.06.2018 3224
embedhttpswww.youtube.comwatchvqhxQqxsdl5kembed

12:14 / 22.10.2018 2431