"Омина" журналининг тақдимот маросими бўлиб ўтди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Юртимизга яна баҳор қайтди. Кўнгилларга илиқлиқ, дилларга қувонч, хонадонларимизга файзу барака улашувчи баҳор фасли бу йил муштарийларимиз учун яна бир ҳадя улашди. "Омина" журналининг илк сонини айнан баҳорнинг биринчи кунида тақдим этилишида ҳам  рамзий маъно борки, қалбларни баҳор каби уйғонишга чорлаётгандек гўё.


Бугун, 2024 йил 1 март куни   "Ҳилол-нашр" матбаа нашриётининг мажлислар залида "Омина" журналининг 1-сони нашр этилиши муносабати билан тақдимот маросими бўлиб ўтди. Тақдимот  Қуръон тиловати ва  хайрли дуолар билан бошланди. Унда  "Ҳилол-нашр" матбаа нашриётининг бош директори Исмоил Муҳаммад Содиқ, "Пешқадамлар карвони" муассасасининг раҳбари Одинахон  Муҳаммад Содиқ,  "Ҳилол" журнали муҳаррири Маҳмуд Маҳкам, "Мўминалар" журнали муҳаррири Зуҳра Ҳамдамова сўзга чиқишди. Улар журналнинг тарихи, жамоанинг меҳнатларини эътироф этиб, ушбу оммавий ахборот воситаси келгусида  опа-сингилларимиз ҳаёти давомида муҳим дастуруламал бўлишига ишонч билдирдилар.


Тадбир давомида  журналнинг илк сони ҳақида тайёрланган видеоролик ҳам намойиш этилди.


Маълумот ўрнида айтиб ўтамиз, "Омина” журнали 2012 йили Шайх Муҳаммад Содиқ Муҳаммад Юсуф роҳимаҳуллоҳ ғоялари асосида электрон тарзда muslimaat.uz сайтида бериб борилган. Журнал ҳар уч ойда бир марта чиқади.  Бугунга қадар журналнинг электрон 40 та сони каналларимиз саҳифасига жойланган. Эндиликда электрон журналимиз босма шаклда нашр этилиб,  муштарийларимиз қўлига етиб боради.  Журнал 2023 йил октябрь ойида ОАВ сифатида расмий рўйхатдан ўтди. Илк сони 2024 йил 1 мартда нашрдан чиқди.


Тақдимот яна бир янги китобнинг тақдимотига уланди. Устоз Одинахон Муҳаммад Содиқнинг "Қизларжон" китоби қорақалпоқ тилида нашрдан чиққани муносабати билан китоб тақдимоти бўлиб ўтди. Таржимон  бу китоб қорақалпоқ ёшларига, хусусан, опа-сингилларимизга  "энг гўзал ҳадя"лардан бири бўлганини  эътироф этди.


Тақдимотда бир неча йилдан буён журналнинг кенг китобхонлар оммасига танилиши, ўқувчилар учун манфаатли, сермазмун бўлиши, илмий-маърифий нашрлар орасида ўзининг муносиб ўрнига эга бўлиши йўлида қилган хизматлари билан ҳисса қўшган  ходимлар, шунингдек, танлов ғолиблари ҳам эсдалик совғалар билан тақдирланишди.


Манба
Мавзуга оид мақолалар
Дунёнинг энг таниқли муслима супермодели Ҳалима Аден подиумдан буткул кетишга қарор қилди. Ҳалима Aден давоми...

22:35 / 29.11.2020 2305
Muslimaat.uz malakali jurnalist opasingillarimizni ishga taklif qiladiQabul qilinuvchi jurnalistlarimizo`z ishiga mas`uliyat bilan yondashuvchan jamoa qadriyatlariga mos tarzda faoliyat olib давоми...

02:21 / 09-yanvar 1570
2018 йил 5 февралда Наманган вилоятининг Чуст туманида жойлашган Мавлоно Лутфуллоҳ жоме масжидида давоми...

04:26 / 05.02.2018 2782
Муслима опасингилларимизни янги кўптармоқли .MUSLIMAAT, дўконига таклиф этамиз.Каттаю кичикка бирдек зарур, давоми...

18:11 / 27.01.2020 3716